Ribadeo, 22 de xullo, 2025. O pasado venres 18 de xullo tivo lugar en Ribadeo o evento Soberanía Dixital VI: Dominio Público. Tamén teu. Alí, os membros de amarinha.gal desenvolveron as liñas básicas para a comprensión do que significa e como se aplica o dominio público nos materiais impresos, na música ou no cine.
Precisamente elixiuse este último, o cine, para continuar o evento cunha mostra do uso do dominio público. Así, terá lugar o próximo día 2 de agosto, sábado, ás sete da tarde no teleclube de A Rilleira (Cabarcos, Barreiros) a proxección e comentario dun clásico que xa ten pasado ó dominio público: O heroe do río (Steambot Bill Jr.) protagonizada por Georges Cukor e dirixida por el mesmo e Charles Reisner.
Xa en setembro, na Biblioteca de Ribadeo, terá lugar a seguinte actividade do ciclo ‘Soberanía Dixital’, ‘Contraalgoritmia, xardín dixital’, da que se dará conta máis adiante
Durante o encontro, aberto ao público, proxectouse o vídeo promocional da candidatura e compartiuse a documentación presentada, nun acto que reuniu a numerosos colectivos, entidades e veciños comprometidos co dinamismo social e cultural do concello.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
O venres ás 20:30h pregón da Romaxe Viquinga a cargo do historiador e guía turístico oficial Suso Martínez, a continuación desfile polas rúas do Vicedo e cantos de taberna polos establecementos do Vicedo. Finalmente o sábado a 8ª Romaxe Viquinga na praia de San Román, coas actividades centrais habituais (desembarco, desfile, mercado, torneo a cabalo e enterramento) e con moita música tanto celta como tradicional galega con Pelepau, Perkusiona e o espectáculo Queiman Folki para rematar o evento.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
O delegado territorial da Xunta en Lugo, Javier Arias, participou nos actos destacando o apoio do Goberno galego a este evento, declarado de Interese Turístico Galego, "que pon en valor o traballo das xentes do mar e a calidade dun produto recoñecido a nivel internacional". Tamén estivo presente a Deputada de Economía, Recadación, Facenda e Especial de Contas, Carmela López. A Deputación colaborou coa organización desta xornada cunha achega de 3.000 euros. Neste evento, que está declarado de Interese Turístico de Galicia, os asistentes puideron degustar a prezos populares o manxar elaborado de formas diferentes: en empanada, en caldeirada, á galega ou en salsa verde, entre outras.
