O Vicedo, 23 de marzo, 2026. O BNG vén de presentar unha moción na que insta ao Concello á creación dun parque público no municipio. Os nacionalistas afirman que O Vicedo conta cun entorno natural privilexiado e que existe unha demanda crecente de espazos públicos destinados ao lecer, á convivencia e á práctica de actividades ao aire libre.
“O parques públicos son infraestruturas fundamentais para mellorar a calidade de vida de veciños e veciñas, especialmente de nenos, mozos e persoas maiores, fomentando hábitos saudables, a socialización e o contacto coa natureza”, explica o concelleiro Miguel Gómez.
Un novo espazo de lecer e socialización
Segundo o BNG, a creación deste parque permitiría dispoñer dun espazo seguro para o xogo infantil, fomentar a actividade física ao aire libre, crear un punto de encontro para a veciñanza, mellorar a imaxe e o atractivo do municipio e ofrecer un refuxio climático na zona urbana, ao tratarse dun espazo resgardado.
Nos puntos de acordo, os nacionalistas propoñen avaliar a zona comprendida entre a Rúa do Porto e a Rúa Francisco Vilasuso para a ubicación do parque, así como elaborar un proxecto que inclúa zonas verdes, área de xogos infantís, bancos, iluminación e espazos accesibles para todas as idades.
Participación doutras institucións e da veciñanza
Así mesmo, instan ao goberno municipal a solicitar financiamento a través de programas da Xunta de Galicia, da Deputación de Lugo e doutras institucións públicas con fondos destinados á mellora de espazos urbanos e ambientais.
O BNG propón tamén que se informe á veciñanza sobre o desenvolvemento do proxecto, promovendo a súa participación no deseño deste novo espazo público.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
