Segundo Castiñeira, as queixas veciñais apuntan na mesa dirección: “O que nos din os veciños é que ao final o que se vai a facer é cambiar algún servizo, aglomerar e asfaltar. Está claro que facía falta, pero perdemos unha oportunidade importante para facer unha rúa diferente, humanizada”
Foz, 23 de marzo de 2026. O Partido Popular de Foz amosa novamente a súa decepción polo resultado dos traballos realizados no centro urbano, en particular polas obras na rúa Jesús Nazareno. O voceiro municipal popular, Javier Castiñeira, denuncia a ausencia de planificación e a perda dunha oportunidade para mellorar de xeito integral esta zona do municipio.
“Dende o PP de Foz mostramos novamente a nosa decepción polo resultado dos traballos e das obras feitas polo señor Cajoto no centro urbano. Hai unha falta de planificación absoluta e de organización e, sobre todo, non existe un plano claro do que se quere facer”, sinala Castiñeira.
O portavoz popular explica que se está a actuar en zonas sensibles do casco histórico sen corrixir problemas estruturais: “Estanse a facer obras na zona antiga, como neste caso na rúa Jesús Nazareno, no barrio mariñeiro, con rúas estreitas, e ao final séguense deixando cos mesmo defectos, con beirarrúas que non cumpren a normativa”.
Neste sentido, advirte das dificultades que seguirán sufrindo determinados colectivos: “Van seguir tendo moitos problemas as persoas con mobilidade reducida, con anchos de beirarrúa que non cumpren as normas. Ao final só é un simple lavado de cara que nos vai custar aos veciños máis de 120.000 euros”.
Ademais, o PP asegura ter solicitado xa a documentación do proxecto: “Dende o Partido Popular solicitamos a documentación e o proxecto desta obra, que entendemos que é absolutamente decepcionante, porque postos a facer unha obra deste tipo, o ideal sería deixala en perfectas condicións para todo o mundo”.
Segundo Castiñeira, as queixas veciñais apuntan na mesa dirección: “O que nos din os veciños é que ao final o que se vai a facer é cambiar algún servizo, aglomerar e asfaltar. Está claro que facía falta, pero perdemos unha oportunidade importante para facer unha rúa diferente, humanizada”.
O portavoz do PP puxo como exemplos actuacións realizadas noutras zonas do propio municipio: “Como se están facendo noutros concellos ou como se fixo en Foz na zona de Álvaro Cunqueiro e na Avenida da Mariña, totalmente humanizadas, sen bordillos e sen barreiras arquitectónicas. Aquí o señor Cajoto limita a aglomerado, asfalto e pouco máis”.
Por último, o Partido Popular insta ao goberno local a rectificar mentres aínda está a tempo: “Iso non deixa de ser un lavado de cara, con rúas propias dos anos 80, con bordillos altos e falta de mobilidade, especialmente para persoas maiores, que son moitas das que viven nesa rúa. Pedímoslle ao alcalde que, se está a tempo, modifique o proxecto, elimine eses obstáculos, eses bordillos tan altos e esas beirarrúas tan estreitas, porque lamentablemente despois imos ter que sufrilos durante moitos anos”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
