Durante uns vinte anos o Partido Popular ten empregado recursos económicos e administrativos da Xunta de Galicia para facer dano, de forma consciente e desleal, ao Concello de Viveiro. Promoveu durante anos unha política de castigo para intentar influir no sentido do voto dos veciños e veciñas. De todo o conxunto de departamentos foi Portos de Galicia quen abandeirou este proceder de forma máis belixerante.
No ano 2007, sendo presidente do goberno central o señor Rodríguez Zapatero, Costas do Estado presentou un proxecto para eliminar os galpóns do peirao vello de Viveiro, habilitar aparcadoiros na zona e unir o porto deportivo coa Ponte da Misericordia cun paseo a beiramar.
No ano 2009, e vendo que carecía de actividade, Costas solicita a Portos de Galicia a reversión dese espazo co compromiso dun investimento de tres millóns de euros en melloras. A negativa de Portos, aducindo que o peirao vello “mantiña os usos portuarios” supuxo de facto ter que convivir cunha deplorable e fantasmagórica visión na entrada a Viveiro desde Celeiro. Poderiamos mesmo falar dos galpóns da vergoña.
O día 22 de marzo de 2025, só quince días despois da moción de censura contra o goberno de PSOE-BNG, o presidente de Portos de Galicia, o Sr. José Antonio Álvarez, nun exercicio entre o cinismo e a falta de pudor presentouse en Viveiro para, nas súas palabras, “visitar in situ o entorno do peirao vello onde a nova rexedora solicitou que se actúase de xeito prioritario”.
Do mesmo xeito, e continuando nesa liña de cinismo impropia dun servidor público, compremeteu obras negadas con anterioridade por falta de orzamento, caso de “un paseo no bordo marítimo dende a ponte da Misericordia ata o náutico de Viveiro” ou tamén “a reorganización do peirao vello e a rehabilitación da casa do Garda”.
Sen dúbida, todo indecente e ben clarificador.
Noutra orde de cousas, aproveito a ocasión para pór en coñecemento do actual equipo de goberno e dos responsables de Portos de Galicia que, desde fai meses, o firme do aparcadoiro do peirao vello está cheo de grandes fochancas, a grava está colonizando a zona axardinada, onde están os magnolios, e a sinalización ten desaparecido.
Por certo e xa para rematar, a rampa da ponte da Misericordia e as escaleiras do clube de Piragüismo que dan acceso á auga, seguen nas mesmas condicións de arruinamento e perigosidade.
Jesús Fernández Cal
Ex concelleiro do PSOE de Viveiro
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
