162 autocaravanas, campers e vehículos similares chegados desde Galicia e o norte peninsular danse cita hoxe nunha xornada que, ademais do acto de inauguración, inclúe tamén a celebración da II Foliada de Pastoriza e os Cantos de Taberna nos que participan once grupos tradicionais
A Pastoriza, 16 de maio de 2026. O Concello de Pastoriza inaugura esta tarde a súa nova área de autocaravanas, unha das máis grandes de Galicia. Unha infraestrutura impulsada para seguir potenciando o turismo e a dinamización económica local. O novo espazo, financiado a través do Plan Cooperación cos Concellos cun investimento de case 69.000 euros, conta con capacidade para 42 prazas e sitúase nun enclave estratéxico do municipio.
A inauguración oficial desenvolverase ás 20:00 horas nun acto no que intervirán o tenente de alcalde, Marcos García Lombardero, a presidenta da Asociación Galega de Autocaravanas (AGA), María del Mar García Pena e o deputado provincial de Recursos Sostibles, Francisco Cajoto. Durante esta xornada tamén estarán en Pastoriza, xunto a outros responsables municipais e autonómicos, Raquel Arias, deputada do Parlamento de Galicia; José Manuel Balseiro, senador pola provincia de Lugo, Antonio Ameijide, voceiro do PP na Deputación e tenente de alcaldesa do Concello de Lugo e o deputado provincial e alcalde de Riotorto, Clemente Iglesias.
A inauguración contará ademais coa actuación do Grupo de Baile e Música de Pastoriza e incluirá a izada da bandeira e a interpretación do himno, así como o descubrimento dunha placa conmemorativa e o corte da cinta inaugural.
A resposta do sector está sendo moi positiva. Durante a xornada de hoxe danse cita no municipio 162 autocaravanas, campers e vehículos similares. Forman parte da Asociación Galega de Autocaravanas (AGA) e do colectivo PEKA, unha asociación de usuarios de vehículos vivenda. As persoas asistentes chegan desde distintos puntos de Galicia e tamén do norte peninsular.
Dinamización da economía local
A área está localizada xunto á piscina municipal, ao circuíto de kárting e ao inicio dunha ruta de sendeirismo, ademais de atoparse a só seis quilómetros do nacemento do río Miño. Desde o Concello destacan que esta situación permitirá ás persoas visitantes coñecer con comodidade tanto os recursos naturais como a oferta deportiva, cultural e de lecer de Pastoriza.
O tenente de alcalde, Marcos García Lombardero, destaca que “a ubicación da área permite que a xente poida desfrutar dunha contorna única e coñecer lugares tan emblemáticos como o nacemento do río Miño” e sinala tamén que esta nova infraestrutura “contribuirá a xerar movemento no municipio e a dinamizar a hostalaría local”. En concreto, asegura que “hoxe non só inauguramos unha nova área de autocaravanas, senón tamén unha nova oportunidade para seguir abrindo Pastoriza ao turismo e á posta en valor do noso patrimonio natural, cultural e humano”.
O responsable municipal agradece ás administracións que colaboran nesta iniciativa e, moi especialmente, aos traballadores municipais e aos compañeiros da Corporación. Tamén quere agradecer a colaboración dos gandeiros e dos veciños de Pastoriza pola cesión dos terreos que permitiron facer realidade esta nova infraestrutura, que busca converterse nun novo punto de referencia para o turismo na comarca. “A nova área de autocaravanas é unha infraestrutura pensada para atraer visitantes, dinamizar a economía e seguir enchendo de vida os nosos negocios, as nosas rúas e os nosos espazos públicos. Queremos que quen chegue aquí se sinta ben recibido, descubra a hospitalidade da xente e queira volver”.
Música e ambiente festivo durante toda a xornada
A inauguración da área de autocaravanas enmárcase ademais nunha ampla programación festiva arredor da II Foliada de Pastoriza e dos Cantos de Taberna, organizados polo Concello en colaboración coa asociación de empresarios Asapa e coa asociación cultural e deportiva Miño Vivo.
Marcos García asegura que a xornada de hoxe é unha mostra da “nosa identidade: sendeirismo, música tradicional, cantos de taberna, foliada e gastronomía. Todo isto forma parte da alma do noso concello, de Pastoriza, unha vila que sabe conservar as súas tradicións ao tempo que aposta por novas oportunidades de desenvolvemento”.
A xornada comezou esta mañá coa ruta de sendeirismo ‘Augas de Fonmiñá’, unha actividade que permitiu ás 120 persoas participantes descubrir parte da riqueza natural da contorna. O programa continuou ao mediodía coa sesión vermú na Praza do Concello, ambientada con música.
Durante estas horas estase a desenvolver tamén o servizo de comidas da Pulpería Suso, aberto tanto á veciñanza como ás persoas visitantes, mentres que ás 17:30 horas celebrarase o tardeo musical na Praza do Concello.
Tras a inauguración da nova área, os Cantos de Taberna percorrerán distintos locais hostaleiros de Pastoriza entre as 20:30 e as 22:00 horas. A prefoliada comezará ás 22:30 horas e a gran foliada dará inicio ás 00:30 horas nun campo cuberto con carpa situado na Praza do Concello.
Na programación musical participarán once grupos: Asubíos da Chaira, Pastoriza,
Reviravolta, Os Agustiños, Grupo Tradicional de Meira, A Chocolateira, Son de Outeiro, Asubiiños 4, Ardelle o Eido, Os D’Aquí e Cantos da Valuria.Principio del formulario
Final del formulario
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
