A Pontenova, 29 de xuño, 2026. EspeleoMuller é un novo evento dedicado á espeleoloxía e á participación das mulleres, que se celebrará en A Pontenova (Lugo) o sábado 4 de xullo de 2026.
A xornada comezará ás 10:30 na Praza dos Fornos coa benvida ás persoas participantes e, a partir das 11:00, iniciaranse as actividades programadas: visita á Mina Consuelo, tirolina, vía ferrata e unha comida de confraternización ás 15:00. Pola tarde, ás 17:00, retomaranse as actividades ata a clausura do EspeleoMuller, prevista para as 19:00.
Trátase dun evento aberto a todas as persoas interesadas, no que é obrigatorio inscribirse previamente. As inscricións poden realizarse ata o 30 de xuño de 2026 enviando un correo a espeleoloxia@gmail.com. Segundo o número de participantes, organizarase a distribución dos grupos para cada actividade. Para máis información pódese contactar tamén no teléfono 982 507 227 ou consultar a web www.espeleoloxia.org. EspeleoMuller conta co apoio da Federación Galega de Espeleoloxía, da Xunta de Galicia (Deporte Galego) e do Concello de A Pontenova.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
