Cervo, 29 de xuño, 2026. O Concello de Cervo e a Federación Galega de Natación presentaron os campus de verán que se celebrarán durante o mes de xullo na Piscina Municipal de Lieiro, consolidando un ano máis ao municipio como un referente na organización de actividades vinculadas ás disciplinas acuáticas.
No acto participaron a alcaldesa de Cervo, Dolores García Caramés; o concelleiro de Deportes, David Rodríguez; e o presidente da Federación Galega de Natación, Juan Carlos Brión, que puxeron en valor a excelente colaboración existente entre ambas institucións.
A alcaldesa destacou que “é unha satisfacción seguir traballando da man da Federación Galega de Natación para traer ao noso concello actividades deportivas de primeiro nivel. Esta colaboración continuada permite que Cervo sexa unha sede de referencia para o deporte base e para a formación dos mozos e mozas de toda Galicia”.
Dolores García Caramés incidiu tamén na calidade das instalacións deportivas municipais. “A nosa piscina municipal reúne unhas condicións excepcionais para acoller este tipo de campus. Queremos que todos os participantes desfruten tanto das actividades deportivas como da súa estancia en Cervo, e que coñezan tamén todo o que ofrece o noso municipio”.
A rexedora subliñou ademais que “este tipo de iniciativas contribúen a dinamizar a economía local durante o verán e consolidan a imaxe de Cervo como un destino deportivo de referencia”.
Entre as actividades programadas figura o II Campamento de Verán de Waterpolo, que se celebrará do 6 ao 11 de xullo e está dirixido a nenos e nenas nados entre 2012 e 2015, federados e practicantes desta disciplina. O campus estará dirixido polo director técnico da FEGAN, Xavi Pérez, xunto cos adestradores Andrés e Isabel Pérez, e contará con 32 prazas. O programa inclúe pensión completa, adestramentos específicos e actividades de lecer.
Así mesmo, a Piscina Municipal de Lieiro acollerá tamén o II Campamento de Verán de Natación Artística, que terá lugar do 14 ao 18 de xullo para nenos e nenas nados entre 2011 e 2015, tamén federados nesta disciplina. Estará dirixido pola directora técnica da FEGAN, Sandra Montes, xunto á adestradora Candela Fidalgo. O campus contará igualmente con 32 prazas e incluirá pensión completa, sesións de adestramento e actividades recreativas.
Desde o Concello de Cervo agradecen á Federación Galega de Natación a confianza depositada un ano máis nas instalacións municipais e reiteran o seu compromiso de seguir colaborando na organización de eventos que fomenten o deporte base e continúen situando o municipio como un referente galego das disciplinas acuáticas.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
