As e os socialistas responden ao rexedor tras a falta de adxudicacións de obras municipais e aseguran que o Concello está a sacar licitacións con condicións económicas “moi afastadas” dos prezos actuais do sector
Ribadeo, 30 de xuño de 2026. O PSdeG de Ribadeo rebateu hoxe as declaracións realizadas polo alcalde do PP, Daniel Vega, nas que asegurou que o Concello está a ter “serios problemas” para adxudicar obras porque non hai empresas nin persoal suficiente no sector da construción.
A formación socialista considera “rotundamente falso” que a falta de profesionais sexa a causa de que determinadas licitacións municipais queden desertas e asegura que o verdadeiro problema é que o Concello está a sacar estas obras con condicións económicas “moi afastadas” dos prezos actuais do sector. “En Ribadeo non faltan empresas nin profesionais, faltan licitacións axustadas aos prezos de mercado”, sinalan.
O PSdeG desminte as palabras do rexedor, que defendeu que o problema “non é de rendibilidade, senón da escaseza de man de obra”. Para as e os socialistas, a clave está precisamente nas condicións económicas das licitacións. “Se os prezos están por debaixo do que custa executar unha obra, é evidente que as empresas non van concorrer”, remarcan.
Neste sentido, lembran que nas últimas semanas houbo procedementos nos que apenas se presentaron empresas ou que mesmo tiveron que ser declarados desertos, como aconteceu coa reposición da cuberta do edificio da Praza de Abastos. Unha situación que, segundo o PSdeG, o alcalde tenta xustificar cun argumento que “non se corresponde coa realidade”.
“O máis doado é dicir que non hai empresas, pero esa non é a situación. O que hai é unha falta de adecuación entre o que ofrece o Concello e os custos reais que teñen hoxe as actuacións”, subliñan dende a Executiva socialista.
Por iso, o PSdeG de Ribadeo reclama ao Goberno local do PP que “deixe de buscar escusas” e revise a súa política de licitacións municipais para garantir que os proxectos saian adiante con garantías, con prezos xustos e sen poñer en risco actuacións necesarias para o municipio.
“Non abonda con recorrer ao discurso fácil de que non hai profesionais. Hainos, e tamén hai empresas con capacidade e vontade de traballar. O que falta son licitacións axustadas á realidade económica do sector. O Goberno local ten que asumir a súa responsabilidade e deixar de cargar sobre os profesionais un problema que nace da súa propia xestión”, conclúen.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
