Ribadeo, 19 de xuño, 2026. O Grupo Municipal do PSOE no Concello de Viveiro fixo pública a súa preocupación pola forma na que se puxo en funcionamento a nova liña de autobús que conecta os principais núcleos de poboación do municipio, así como polo desconcerto xerado entre as persoas usuarias.
O grupo socialista lembrou que esta conexión entre Celeiro, o centro urbano e Covas–Escourido fora unha proposta impulsada durante o anterior mandato do goberno bipartito PSOE–BNG, desde a área de Mobilidade que xestionaba o BNG, e trasladada á Xunta de Galicia nos anos 2024 e 2025.
En xaneiro de 2025 celebrouse unha reunión na que participaron representantes municipais, todos os grupos políticos e responsables autonómicos en materia de mobilidade. Nese encontro abordouse expresamente esta demanda e a resposta da Xunta foi clara: non era viable debido á necesidade de incrementar os quilómetros dos contratos de transporte e ao elevado custo económico anual que suporía.
Por este motivo, o PSOE de Viveiro afirma que sorprende que, tras a moción de censura do 7 de marzo de 2025 e xa durante o ano 2026, esta mesma liña entrase en funcionamento de maneira repentina. O grupo municipal pregúntase que mudou para que unha proposta rexeitada por motivos económicos e técnicos pasase a ser autorizada poucos meses despois.
Ao mesmo tempo, denuncia a escasa promoción do servizo. A posta en marcha realizouse sen unha campaña informativa suficiente, sen sinalización clara das paradas e sen facilitar información accesible sobre horarios e percorridos. O grupo considera contraditorio activar un servizo público sen garantir o seu coñecemento e utilización. Para consolidar a liña e avaliar a súa utilidade social, subliñan, é imprescindible que a cidadanía saiba que existe e poida empregala.
Por este motivo, o PSOE solicita:
– Unha campaña pública de información e promoción da liña.
– A instalación de sinalización adecuada en todas as paradas.
– Información clara sobre horarios e percorridos.
– Transparencia sobre os criterios que permitiron autorizar agora un servizo antes considerado inviable.
– Un compromiso real coa mellora da mobilidade pública no municipio.
En relación coas paradas, o grupo socialista entende que existen solucións sinxelas e de baixo custo que permitirían mellorar notablemente o funcionamento e a visibilidade do servizo. Non sería necesario executar novas infraestruturas nin instalar marquesiñas en todos os puntos; en moitos casos abondaría con habilitar e sinalizar as paradas mediante pintura horizontal e sinalización vertical, tal e como xa sucede noutros puntos do municipio —como na avenida de Ferrol— e noutras localidades con transporte urbano.
Así, facilitaríase que o autobús realizase as paradas con maior claridade e seguridade, mellorando tamén o coñecemento do percorrido por parte da veciñanza.
O Grupo Municipal Socialista tamén expresou o seu apoio á proposta da empresa concesionaria para ampliar a liña ata Landrove, unha demanda que consideran positiva para mellorar a conexión interna do municipio e ofrecer máis alternativas de mobilidade. Valoran que se estuden fórmulas para estender o servizo, sempre con criterios técnicos, autorizacións necesarias e garantías de seguridade viaria.
Neste sentido, coñecen que a empresa solicitou ao Concello habilitar unha solución que permita o paso pola Travesía e faga viable o percorrido cara a Landrove. O PSOE considera que esta proposta debe analizarse con rigor, avaliando a súa viabilidade e o seu impacto no tráfico e na mobilidade urbana.
Ademais, o grupo socialista afirma ter recibido información sobre posibles dificultades relacionadas co servizo estival cara á praia de Area. Segundo estas informacións, poderían existir incidencias pola falta da autorización necesaria para que todas as viaxes poidan ser de ida e volta, xa que en anos anteriores non sempre era posible regresar en todos os servizos.
De confirmarse, sería —din— un novo exemplo de falta de planificación e coordinación na implantación dos servizos de transporte. Por iso, solicitan ao goberno municipal e ás administracións competentes que aclaren esta cuestión e garantan que todos os servizos conten coas autorizacións e garantías necesarias, evitando incertezas entre a veciñanza.
O PSOE de Viveiro considera que contar cun servizo destas características é unha oportunidade importante para o municipio. Dispoñer dun transporte público que conecte os principais núcleos de poboación supón un avance cara a modelos de mobilidade propios de cidades máis grandes, e debe consolidarse mediante unha aposta decidida pola súa mellora e promoción.
O posicionamento do grupo é claro: apoian ampliar e mellorar o transporte público, que debe responder ás necesidades reais da veciñanza e formar parte dunha planificación seria, estable e transparente orientada a mellorar a mobilidade e a calidade de vida no concello.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
