A cita será no Guioncho e combinará tradición, música e actividades para todos os públicos
Cervo, 3 de xullo do 2026. A parroquia de Santa Isabel de Lieiro xa está preparada para celebrar unha das citas máis destacadas do verán cervense, as Festas na Honra de Santa Isabel, que se desenvolverán do venres 3 ao luns 6 de xullo cun amplo programa festivo.
Na presentación participaron a alcaldesa, Dolores García Caramés; e os concelleiros Adrián Arias e Alfredo Fernández; xunto aos membros da Asociación Cultural Comisión de Festas de Lieiro, encargada da organización coa colaboración do Concello.
A programación arrancará o venres 3 de xullo, ás 23:00 horas, coa tradicional Festa da Xuventude, amenizada por DJ Alejandro Martínez, Marcos Peón e Conxuro Discomóbil.
O sábado 4 de xullo comezará ás 13:00 horas coa misa solemne na capela do Guioncho. Ás 13:30 horas celebrarase a sesión vermú co Grupo Da Silva e, xa pola noite, desde as 22:30 horas, terá lugar a gran verbena coas orquestras Gran Parada e Cayenna.
O domingo 5 de xullo, a misa solemne celebrarase ás 12:30 horas na igrexa parroquial de Lieiro, cantada pola Coral Terra Mar, seguida da procesión. Ás 13:30 horas dará comezo a sesión vermú coa Orquestra Principal e, a partir das 22:30 horas, a verbena correrá a cargo da propia Orquestra Principal e de El Combo Dominicano.
As festas rematarán o luns 6 de xullo, cunha actuación do grupo folclórico Mistura de Lieiro ás 19:00 horas, seguida da tradicional Sardiñada, ás 20:00 horas. A partir das 21:30 horas, a última verbena estará protagonizada por Tania Veiras e a orquestra Galilea.
Desde o Concello de Cervo animan a veciñanza e aos visitantes a achegarse a Lieiro para desfrutar dunhas festas que cada ano reúnen a centos de persoas arredor da música, da tradición e da convivencia.
A alcaldesa, Dolores García Caramés, destacou “o enorme traballo que realiza durante todo o ano a Comisión de Festas para sacar adiante unha programación atractiva e de gran calidade”, e subliñou que “Santa Isabel é unha celebración que combina á perfección a tradición coa mellor oferta musical, converténdose nun punto de encontro para veciños e visitantes e nun excelente escaparate do dinamismo das nosas parroquias”. Ademais, agradeceu “a implicación de todas as persoas que colaboran na organización e convidou a gozar das festas, facendo que esta nova edición sexa todo un éxito, como é habitual”.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.