A actuación terá lugar ás 19.00 horas na praza da Mariña e achegará ao público unha selección de bailes, músicas e traxes tradicionais de Galicia
Burela, 14 de xullo de 2026. O Grupo de Música e Baile Tradicional Xacarandaina actuará este domingo 19 de xullo, ás 19.00 horas, na praza da Mariña de Burela, nunha actuación incluída no programa Danza3.
Durante o espectáculo, a formación ofrecerá unha mostra de distintos bailes, músicas e traxes tradicionais de Galicia, elementos que forman parte do Patrimonio Cultural Inmaterial galego. A piques de cumprir 50 anos de traxectoria, Xacarandaina está considerado un referente na conservación, divulgación e dignificación do folclore galego.
A actuación chega a Burela grazas ao programa Danza3, promovido pola Axencia Galega das Industrias Culturais (Agadic) e a Federación XOC.
A concelleira de Cultura de Burela, Lina Gómez, destacou a importancia de contar con esta actuación na programación cultural do municipio. “É unha satisfacción poder traer a Burela unha agrupación do prestixio de Xacarandaina. Apostar pola música e o baile tradicional é apostar pola nosa identidade e por manter vivo o noso patrimonio cultural a través de espectáculos de gran calidade”, sinalou.
“Ademais, este tipo de actuacións tamén serven para poñer en valor o importante traballo que desenvolven durante todo o ano as asociacións de música e baile tradicional do noso concello. Agardamos que a praza da Mariña volva encherse para gozar dunha tarde de cultura e tradición galega”, engadiu a concelleira.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
