Barreiros, 14 de xullo de 2026. O delegado territorial da Xunta, Alfonso Villares, reuniuse hoxe coa alcaldesa de Barreiros, Ana Ermida, dentro do programa de visitas institucionais que está a realizar aos concellos lucenses. Villares e a rexedora abordaron diferentes proxectos e investimentos autonómicos de interese para o municipio.
Entre as principais actuacións en marcha, destacou a rehabilitación integral do Colexio de Educación Infantil e Primaria (CEIP) San Miguel de Reinante. A Consellería de Educación, Ciencia, Universidades e FP inviste preto de 373.500 euros nesta obra, que está actualmente en execución.
Tamén resaltou o impulso do emprego a nivel local, con accións como o obradoiro dual Constrúe en Verde II, promovido polo concello de Ribadeo asociado co de Barreiros. A Consellería de Emprego, Comercio e Emigracións financia a iniciativa cun investimento de 486.000 euros.
O taller, iniciado en xuño, ofrece a unha vintena de persoas desempregadas formación teórica e práctica en áreas relacionadas coa construción; a xestión de residuos; e a limpeza en espazos abertos, instalacións industriais, edificios e locais.
O delegado tamén subliñou o apoio da Xunta para mellorar infraestruturas e servizos en Barreiros. Dentro das colaboracións aprobadas no que vai deste ano, salientou a concesión dunha achega de 72.000 euros da Consellería do Medio Rural ao abeiro da convocatoria de axudas a concellos para impulsar servizos básicos municipais.
Villares apuntou que o Goberno galego seguirá reforzando a cooperación coas entidades locais lucenses para traballar conxuntamente en beneficio da cidadanía da provincia.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
