O delegado territorial e a directora xeral de Urbanismo visitaron o espazo e lembraron que a intervención se enmarca no Plan Hurbe
O Valadouro, 19 de agosto de 2026. O delegado territorial da Xunta en Lugo, Alfonso Villares, e a directora xeral de Urbanismo, Encarnación Rivas, comprobaron hoxe o avance das obras de humanización que se están a executar na praza de Santa María en Ferreira, no concello do Valadouro, e que acadaron xa o 50% da súa execución. Na visita acompañounos o alcalde do municipio, José Manuel Lamela.
Os representantes autonómicos explicaron que se está a traballar nunha superficie de 1.141 metros cadrados, na zona este da praza de Santa María. A intervención contempla a renovación do pavimento para diferenciar as zonas destinadas ao tráfico rodado e ao uso peonil, a eliminación de desniveis e a disposición de novas beirarrúas.
O proxecto complétase coa instalación de liñas de alumeado público e mobiliario urbano, con bancos, papeleiras e xardineiras circulares, que se poderán mover en caso de ocuparse a praza con algún mercado ou actuación. Inclúese tamén a substitución da varanda existente e a limpeza do cruceiro.
Segundo a previsión actual, a pavimentación estará rematada a comezos do vindeiro setembro para, xa ao longo do mesmo mes, realizar os últimos traballos, relacionados fundamentalmente coa instalación do alumeado e do distinto mobiliario urbano.
A humanización da praza de Santa María foi adxudicada por preto de 187.000 euros e enmárcase nun convenio de colaboración asinado co Concello do Valadouro ao abeiro do Plan Hurbe, co que a Xunta colabora coas administracións locais para financiar intervencións de mellora de contorna urbanas, accesibilidade e eliminación de barreiras arquitectónicas. Baixo este acordo, a Administración autonómica asume o 70% do orzamento desta intervención -máis de 130.000 euros- e o Concello achega o 30% restante.
Villares destacou “o bo ritmo” ao que avanzan os traballos e destacou que esta actuación permitirá “mellorar e poñer en valor un espazo central de Ferreira, facéndoo máis accesible, cómodo e seguro para a veciñanza”. Nesta liña, puxo en valor a colaboración entre a Xunta e os concellos para impulsar actuacións que melloran os espazos públicos e contribúen a revitalizar os núcleos urbanos e rurais.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
