Burela, a 14 de decembro de 2018.- O Grupo Municipal Popular de Burela anunciou hoxe que vén de presentar un escrito dirixido ao alcalde burelés no que solicita “a suspensión do procedemento iniciado na sesión plenaria da corporación o pasado 29 de novembro para a contratación do servicio de recollida de residuos sólidos urbanos, limpeza viaria e de praias; así como para a xestión do punto limpo”.
A xuízo dos populares, “tal e como dixemos no pleno indicado na Memoria xustificativa do órgano contratante asinada polo alcalde hai elementos sobrados que nos motivan a pensar que a nova adxudicación que se pretende facer vai ser bastante máis cara para os cidadáns e para o concello sen ningún motivo aparente. Cómpre lembrar que o propio alcalde vén reiterando que o actual servicio é moi bo, mesmo modélico; e, por riba, na indicada Memoria non se detallan as melloras que se pretenden introducir nin se fala de aumento de plantilla. O encarecemento do prezo de licitación, descontando o tratamento dos biorresiduos, é dun 15’23% máis alto que o do procedemento que rematou coa adxudicación a GESECO. Ou sexa, 109.684’93 euros máis caro ao ano. E, en relación co importe da adxudicación a GESECO, o prezo de licitación é un 25’63% máis alto, ou sexa, 169.260’29 euros anuais máis caro”.
Desde o Grupo Municipal Popular alertan de que “cos criterios de solvencia das empresas que se presenten fixados na Memoria de alcaldía, queda moi restrinxida a posibilidade das empresas para presentarse, o que pode repercutir negativamente nos intereses do Concello e da cidadanía”.
Por outra banda, os edís do PP apuntan que “os criterios de valoración subxectivos das ofertas que se presenten, onde non se fixa ningún tipo de criterio a seguir, van supoñer o 45% do total da valoración das ofertas. Así, entendemos que isto vai condicionar considerablemente a adxudicación e incluso podería darse o caso de que a oferta gañadora sexa a máis cara para o Concello”.
Os populares consideran que “non hai garantías suficientes, ao noso xuízo, de que se evitan posibles conflitos de intereses entre empresas. Polo que entendemos que o procedemento que agora arranca podería nacer viciado. E hai que lembrar que o alcalde ten a obriga, segundo o artigo 64.1 da Ley de Contratos del Sector Público, de establecer medidas para garantir a absoluta ausencia de tales conflitos en aras de evitar posibles conductas empresariais anómalas”.
Solicitude
Desde o Grupo Municipal do PP explican que no indicado escrito solicitan a adopción das medidas pertinentes para favorecer a presencia de empresas para acadar vantaxes para o Concello e a veciñanza e que se leve a cabo unha valoración obxectiva das ofertas que se presenten. Igualmente os populares piden a redución e o equilibrio do prezo de licitación consonte ao servizo que se vén prestando; xa que a xuízo do propio alcalde é modélico, como ten dito en reiteradas ocasións mesmo nos medios informativos. Finalmente, solicitan que se garanta a ausencia de conflitos de intereses en cumprimento do artigo 64.1 da Ley de Contratos del Sector Público e demais normativa ao respecto.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
