Mondoñedo, 12 de febreiro de 2019. A Federación Galega de Atletismo e o Concello de Mondoñedo chegaron a un convenio de colaboración para establecer unha Oficina de Traballo da Federación Galega de Atletismo na comarca da Mariña que abrangue 16 Concellos do norte da provincia de Lugo.
O Concello de Mondoñedo cede un local social en dependencias municipais á vez que, de
mutuo acordo entre ambas as partes, acordase nomear a Raúl Redondo González Ares,
responsable técnico da Oficina de Traballo que dependerá da Delegación en Lugo da
Federación Galega de Atletismo. Na tarde de onte asinaríase o acordo, estando presentes a Alcaldesa de Mondoñedo Elena Candia, o Tenente Alcalde e responsable de Deportes Manuel Tapia, e o novo responsable técnico da Oficina Raúl Redondo. Por parte da Federación Galega asistiría o seu Presidente Isidoro Hornillos, o Vicepresidente de Relacións Institucionais, Jesús Vázquez e o Delegado da FGA en Lugo, José Pena.
A raíz deste acordo, abriranse varias vías de traballo para desenvolver dun xeito progresivo o tecido atlético na Mariña onde xa no día de onte, manterianse xuntanzas de traballo en Lourenzá e Burela.
Tras o asinado do convenio, o presidente da Federación Galega manifestaría a súa
satisfacción polo acordo “ vai contribuír de maneira moi decisiva a dinamizar a zona norte de Lugo con novas competicións e a posibilitar a creación de tecido atlético ca creación de novos clubs”. Entre os obxectivos tamén se inclúe a dinamización da zona sur da provincia lucense.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
