Nota de Prensa
O BNG INVITA A ALGÚN REPRESENTANTE DO GOBERNO MUNICIPAL A DEBATER SOBRE A AFECTACIÓN DA VENTA, GONDRÁS E O GUIONCHO SOBRE A AFECTACIÓN DO PLAN DE ORDENACIÓN DO LITORAL
Os nacionalistas acusaron ao PP de deixar indefensos aos veciños ao non asumir os efectos demoledores que este documento ten sobre o desenvolvemento urbanístico do concello
Da a sensación de que o goberno local nin se preocupou de mirar os planos
Cervo, 4 de marzo de 2010. O BNG convidou a algún representante do grupo de goberno de Cervo a acudir ao acto que o BNG ten convocado para mañá no Local Social da Venta para explicar a afectación do Plan de Ordenación do Litoral(POL), nos núcleos de Gondrás, A Venta e O Guioncho. Os nacionalistas lamentaron a falta de argumentos do PP, que negan os efectos que o POL terá sobre o desenvolvemento urbanístico do concello sen explicar aos veciños nada e polo que se ve, sen mirar sequera os planos, aventúranse a torpedear os actos que o BNG en solitario está facendo nas zonas afectadas.
Si o PP está tan convencido de que o POL non afecta en Gondrás, A Venta e O Guioncho que veña e se explique.
Os nacionalistas convidaron a algún representante do grupo de goberno a que acuda ao acto convocado na Venta e debatan co BNG en presenza dos veciños si a Venta, Gondrás e Leiro están ou non afectados polo POL, o portavoz municipal, Xoán Estúa, “recomendou aos membros do grupo de goberno que se estuden ben a lección xa que polo que se ve nin sequera miraron os planos”. “O nacionalista insistiu en que nestes tres núcleos hai 24 vivendas que figuran no POL como Nova Agrupación e outra no Guioncho está afectada pola zona de protección de ríos e queda fora de ordenación”.
O PP co POL a conta de seguir as directrices do partido deixa na indefensión aos veciños afectados
O Partido Popular intenta que as directrices fixadas polo POL pasen desapercibidas pola cidadanía, para iso nuns casos non informan e noutros desinforman, como fai o goberno municipal de Cervo que bota man de argumentario e esquece as súas obrigas na defensa dos intereses municipais. Para Estúa “a documentación contida no POL aínda que farragosa e enganosa e moi clara, como así tamén o confirmaron técnicos especializados en urbanismo, no caso de Gondrás, A Venta e O Guioncho e evidente con só ir á planimetría que os redactores do POL colocan a estes núcleos como Novas Agrupacións, cando non o son, e o modelo de xestión e a normativa fixa directrices para estes casos que limitarán no PXOM o seu futuro desenvolvemento urbanístico, por moito que o Partido Popular queira pechar os ollos”
O PP tivo a oportunidade de constituír unha comisión de avaliación do POL e non quixo
Estúa lembrou que na sesión plenaria celebrada o pasado 19 de febreiro o BNG presentou unha moción instando a constituír unha Comisión de Avaliación do POL para emitir nesta fase do documento as suxerencias correspondentes á que se negou o Partido Popular, para o portavoz municipal nacionalista “os populares erran na súa estratexia aceptando unhas directrices de ordenación do litoral que fixan un ordenamento contrario á realidade galega e neste caso de Gondrás, A Venta e O Guioncho, ao pretender converter nunha anormalidade núcleos que levan mais de 200 anos existindo e aos que agora se lles pretende cortar o seu desenvolvemento”
Por último Estúa negou que esteamos diante dun borrador, trátase dun documento que a Xunta ten intención de aprobar inicialmente no mes de abril e definitivamente en decembro, un prazo que o BNG entende excesivamente corto si o que se quere e fomentar a participación social e institucional na súa redacción definitiva, “unha participación que o PP semella querer negar impedindo a constitución de comisións de avaliación ou torpedeando os actos informativos que o BNG en solitario está facendo nos núcleos afectados”, rematou Estúa.
Na súa confección colaborou Óptima Cultura. A presentación será este venres, 27 de febreiro, ás 11.30 na propia Catedral.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
