Viveiro, 13 de maio de 2019. A Alcaldesa de Viveiro, María Loureiro, mantivo este luns unha reunión con representantes da Confraría de pescadores Santiago Apostol e de Portos de Celeiro, na que tamén participaron o Secretario Xeral do PSOE na Provincia de Lugo, Álvaro Santos, e a Deputada do PSOE no Parlamento Galego, Patricia Otero. Foi un encontro de traballo no que Loureiro trasladou os proxectos que levará a cabo para dar resposta ás demandas do sector pesqueiro.
As medidas son as seguintes:
– Xestionar a implantación de novos cursos para preparación das persoas que queiran desenvolver as súas actividades no mundo da pesca, demandando unha escola que imparta ciclos formativos de Grao Básico (actividades marítimo-pesqueiras) e de Grao Medio (mantemento e control de máquinas en buques e navegación e pesca litoral), e tamén a posibilidade de impartir FP Dual marítimo-pesqueira, formación básica (mariñeiro-pescador), formación avanzada (sanitarios, seguridade marítima, etc.), evitando así longos desprazamentos para acadar eses estudios noutras localidades.
– Traballar co ISM para que as consultas dos recoñecementos médicos obrigatorios das xentes do mar non teñan tanta demora na súa realización.
– Pomocionar os produtos pesqueiros, turismo pesqueiro e apoiar a divulgación das iniciativas do sector, festas gastronómicas así como todo o relacionado cos problemas dos traballadores do mar.
– Celebración das Xornadas de Historia e Arqueoloxía Marítima Cidade de Viveiro.
– Afianzamento do programa Vivemar de difusión da cultura mariñeira.
Durante estes 4 anos a Alcaldesa de Viveiro mantivo unha estreita colaboración e relación co sector pesqueiro para coñecer de primeira man as necesidades dos traballadores. “Deste xeito e sendo consciente das demandas, compromeétome a que o Goberno Municipal seguirá colaborando e apoiando á pesca, en concreto o porto de Celeiro, referente do norte de España, que xera moitos postos de traballo na Mariña”, destacou a Alcaldesa.
Santos Ramos subliñou que “dende o Goberno da Deputación impulsaremos o programa Mariñeiros por un día para que máis escolares da provincia coñezan as potencialidades que ofrece o mar”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
