Nota de Prensa
Begoña Santos afirma que “mentres non exista Ribadeo como partido xudicial, non se poderá crear un xulgado na súa sede”
A directora xeral de Xustiza explicou, na Comisión 1ª do Parlamento, que para iso é necesario modificar a Lei de demarcación e planta xudicial, algo que a Xunta xa lle solicitou ao Goberno central
Santiago, 13 de outubro de 2008.- A directora xeral de Xustiza, Begoña Santos Fernández, afirmou hoxe, na Comisión 1ª do Parlamento, que “mentres non exista Ribadeo como partido xudicial, non se poderá crear un xulgado na súa sede”. Explicou que para a creación do partido xudicial nesta localidade é preciso modificar a Lei de demarcación e planta xudicial, de competencia estatal.
Ademais, Santos Fernández lembrou que a Consellería de Presidencia, Administracións Públicas e Xustiza xa lle enviou ao Ministerio de Xustiza o informe da Xunta de Galicia coa proposta de creación do devandito partido xudicial co fin de poder dotalo dun xulgado de primeira instancia e instrución. Deste xeito, o Goberno galego pedía –segundo a directora xeral- a modificación da demarcación xudicial.
Neste sentido, Santos Fernández asegurou que “os intereses dos cidadáns da Mariña de Lugo, coma os de todas e todos os galegos e galegas, están correctamente defendidos polo Goberno de Galicia”. A directora xeral tamén subliñou que a última ocasión na que se modificou a Lei de demarcación xudicial foi no ano 2003, sendo José María Michavila Núñez ministro de Xustiza e Xesús Palmou Lorenzo conselleiro de Xustiza, Interior e Relacións Laborais, ambos do Partido Popular.
Novas unidades xudiciais
Begoña Santos Fernández recalcou o compromiso do actual Goberno da Xunta de Galicia co incremento da calidade e co avance dos medios da xustiza en Galicia e dixo que para a programación das novas unidades xudiciais -de conformidade co número adxudicado polo Ministerio de Xustiza- é preciso establecer unha orde de prioridades “na que os esforzos da Sala de Goberno e da Comisión Mixta se unan e se materialicen para acadar o obxectivo común da mellora da xustiza”.
A directora xeral engadiu que, dende o 2004, coa chegada de José Luis Rodríguez Zapatero ao Goberno central, concedéronse 44 novas unidades xudiciais para Galicia -33 xa creadas e 11 para o 2009- fronte ás 18 do período 2001-2004 con gobernos do Partido Popular en Madrid e en Galicia. Isto supón, segundo Begoña Santos, que se crearon “máis do dobre” de unidades dende 2004. “Polo tanto, o compromiso dos actuais Gobernos de España e Galicia coa Xustiza na nosa Comunidade é innegable e tradúcese en feitos”, segundo a directora xeral.
Ademais, Begoña Santos explicou que o Goberno central estableceu para o 2009, a creación de 150 novas unidades xudiciais para todo o territorio nacional, das cales 9 serán para Galicia, a maiores da posibilidade de crear 2 novos xulgados exclusivos de Violencia sobre a Muller. Polo tanto, poderanse crear 11 novas unidades xudiciais en Galicia, segundo dixo. A directora xeral lembrou que este reparto entre Comunidades faise atendendo a criterios de poboación, litixiosidade e números totais de ingreso e que a distribución das unidades xudiciais no territorio galego debaterase na Comisión Mixta de Xustiza (integrada pola Xunta e polo Tribunal Superior de Xustiza de Galicia), prevista para o dia 20 de outubro.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
