LUGO .- A Vicepresidenta Segunda da Deputación, Lara Méndez, o Deputado de Gandeiría, José María Arias, a Concelleira de Castro de Rei, Ana Canto, e o Presidente de ACRUGA, César Dorado, participaron este mércores na visita que realizaron á Granxa Gayoso Castro autoridades, gandeiros e medios de comunicación de Brasil. O motivo da mesma, que estivo organizada por GMG -grupo líder en Brasil na comercialización de xenética de rubia galega e frisona-, é coñecer as distintas iniciativas que o organismo provincial ten en marcha para impulsar o sector agrogandeiro en xeral e de extrapolalos ó seu país, xa que GMG está a levar a cabo un importante proxecto para liderar a produción láctea no estado brasileiro de Río Grandal do Sur. En definitiva, o que buscan é cruzar a raza rubia galega coa frisona para crear un sistema alternativo e complementario para mellorar a produción cárnica.
Neste senso, os gandeiros amosaron o seu interese fundamentalmente polo Centro de Recría de Gando frisón que o organismo provincial construirá este ano na Granxa Gayoso Castro, e que será o primeiro centro de recría público de España, ademais do Centro de Raza de Rubia Galega que leva funcionando no mesmo lugar dende 2007. A Vicepresidenta Segunda subliñou que “é un motivo de satisfacción saber que administracións e gandeiros doutros países se fixan nos proxectos que estamos a levar a cabo dende a Deputación para facer máis competitivo este sector e nos que somos pioneiros. Un exemplo é o Centro de Recría que imos construír na Granxa, no que investiremos 12 millóns de euros, e nace coa vocación de ser un referente non só a nivel galego e no noroeste peninsular, senón como puidemos ver hoxe, incluso a nivel internacional”.
A este respecto, Lara Méndez explicou a situación na que se atopa o proxecto, que é a iniciativa agrogandeira máis revolucionaria levado a cabo nas últimas décadas en Galicia. “Logo de ser aprobado polo Concello de Castro de Rei e de que non tivese ningún tipo de alegación, leva dous meses na Consellería de Urbanismo, que é quen debe dar os permisos para comezar as obras. O prazo fixado no que a Xunta debe contestar é de 3. Estamos á espera de que a administración autonómica actúe coa máxima celeridade porque na Deputación queremos que o Centro, que vai ser revolucionario no sector, se constrúa canto antes”.
O outro proxecto no que a Deputación tamén está inmerso é na mellora da expansión de raza rubia galega, dentro do convenio de colaboración subscrito nada máis chegar ó goberno da Deputación para expandir e mellorar xeneticamente a raza con ACRUGA. A Deputación, neste caso, achega 150.000 euros, o que supón unha aposta única dunha Deputación en España nun Centro de Recría. A nave albergará a máis de 200 xovencas e, en total, investirase na súa construción 417.347 euros, que serán financiados integramente polo organismo provincial.
José María Arias subliñou que “en Brasil a rubia galega está estendida. Intentan, a parte de manter a raza, facer o cruce con frisón e que dá exemplares con mellores aptitudes para o seu desenvolvemento. Os animais recríanse en menos tempo e a produción láctea aumenta. Ademais, diminúen os custes de produción cárnica, polo que este proxecto e as 200 xovencas serven para que incluso poidan ser exportadas a Brasil en ganderías que se están implantando de novo”.
Na visita, que estivo organizada polo director comercial de GMG, Eduardo Grandal, participaron unhas 30 persoas, entre as que destacan o Director da Federación de Traballadores de Agricultura, agrupación que na actualidade conta con 300.000 asociados en Brasil; e as cooperativas Cosuel, que se adica á produción de leite e porco e da que viven unhas 6.000 familias, e Languiru, a derivados lácteos e á produción avícola.
Outro proxecto de cruce da raza galega coa autóctona
Dende 2007 explotacións gandeiras de tres Estados brasileiros diferentes: São Paulo, Goias e Mato Grosos, están empregando, en colaboración con ACRUGA, seme de raza rubia galega como raza paternal para o seu cruce coa autóctona brasileira, a nelore, por medio dun grupo empresarial denominado Pão de Azúcar, que conta con máis de 600 centros comerciais distribuídos por todo o país.
A través deste sistema e logo de que a comercialización de seme de rubia galega e de que as relacións con ACRUGA comezaran hai unha década, GMG hai 5 anos chegou ás 20.000 cabezas. Nestes momentos, contan con 60.000 reses cruzadas e, en 2011, agardan chegar máis de 100.000.
Grandal sinalou que “é un proxecto que se vén desenvolvendo dende hai anos. Xa foron de Galicia para o noso país máis de 300.000 doses de seme. Temos un programa de produción de carne para incrementar a súa calidade e o crecemento dos produtores, aumentando os seus ingresos”.
Na visita, ademais de Eduardo Grandal e das duas cooperativas, tamén participaron os directivos e veterinarios especializados no programa de mellora xenética, así como o Deputado e Presidente da Comisión de Agricultura Agropecuaria e Cooperativista do Estado, o reitor da Universidade brasileira e os Alcaldes de Colinas, Santa Clara do Sur, Westfalia, Arroyo do Medio e Antagorda, ademais do Presidente da Cámara, Industria e Comercio da rexión de Valdo do Acuarel, ademais da entidade bancaria máis importante do estado de Río Grandal do Sur, Sicredi.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
