Triacastela, 7 de febreiro de 2020. A conselleira de Política Social, Fabiola García, anunciou esta mañá que nas vindeiras semanas sairá publicada unha convocatoria extraordinaria de axudas para levar as casas niño aos concellos galegos que non teñen nin escola infantil nin outro centro semellante. Díxoo durante a visita á casa niño de Triacastela á que acoden diariamente cinco nenas e nenos de 0 a 3 anos sen custe algún para as súas familias e na que estivo acompañada do delegado territorial da Xunta de Galicia en Lugo, José Manuel Balseiro. Fabiola García explicou que o obxectivo desta medida é estender estes recursos de conciliación aos 23 municipios da nosa comunidade que hoxe carecen deles, catro veces menos dos que estaban nesta situación en 2009. Tamén salientou a boa acollida desta iniciativa pensada e deseñada para as familias con fillos que viven no rural. Nesta lexislatura o Executivo autonómico xa concedeu axudas para a creación de 76 casas niño por toda a xeografía galega, unha vintena delas na provincia de Lugo. A conselleira de Política Social asegurou que conciliar hoxe en Galicia é máis doado que nunca ao poñer a disposición das familias as casas niño; a Tarxeta Benvida, con melloras para as familias con tres ou máis nenos e para as que viven no rural; ou a gratuidade da educación infantil de 0 a 3 anos para os segundos fillos e sucesivos. Ademais, salientou o feito de que Galicia é a primeira Comunidade Autonómica que contará cunha Lei de impulso demográfico.
ÚLTIMA HORA
- Portos de Galicia e Concello de Cariño estudarán vías de colaboración para un museo da conserva
- César Mogo defende que a lei de netos “repara unha inxustiza” e cualifica de vergoña “o ataque de Rueda e Feijoo á emigración”
- María Teresa Díaz Sanjurjo, veciña de Castropol, gañou un dos premios da campaña da Volta ao Cole de Acisa Ribadeo
- Mulleres inmigrantes de Foz completan con éxito os cursos de caixeira/repoñedora e camareira de pisos
- Este xoves 1 de outubro, ás 17:15 h, celebrarase na Casa da Cultura do Vicedo un obradoiro dirixido a alumnado de Educación Primaria, centrado na creación de historias e ilustracións a partir das súas propias imaxes
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos. - O Castro de Esteiro inicia a súa terceira campaña de escavación dentro do Plan de Castros de Asturias, grazas á colaboración entre a Consejería de Cultura e o Concello de Tapia
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización. - Vilalba celebrará este domingo 4 de outubro, na Praza de Santa María, a primeira Feira de Futuros/as Produtores/as Profesionais, unha iniciativa do Concello e da Asociación A Estruga para dinamizar os domingos de feira e apoiar a produción local
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes. - Un total de 37 persoas participaron o pasado domingo, 27 de setembro, nunha nova saída da oitava edición do ‘Guitiriz en Ruta’, o programa de sendeirismo organizado polas Escolas Deportivas Municipais coa colaboración do Concello
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres. - O Concello de Navia presentará este xoves, 1 de outubro, ás 11:30 horas no Espazo Cultural El Liceo, as novas actividades do Programa de Soidade Non Desexada para persoas maiores
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias. - Xurxo Souto visitará Ribadeo este venres 2 de outubro para presentar o seu último libro, A novela do bravú. Aproveitando a súa presenza, realizarase un pequeno percorrido polas “Palabras na varanda”, a iniciativa que desde maio enche de cor e de letras galegas os balcóns da vila
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza. - Daniel García achegouse este domingo a Ourol, onde se celebraron as IV Xornadas Etnográficas da Mariña, organizadas pola Asociación Tecedeira co apoio da área de Mocidade da Vicepresidencia da Deputación
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
2021 Crónica 3 A Mariña - Implementado por GaliciaDigital