Viveiro, 10 de febreiro de 2020. En política, como no resto da vida, hai feitos e hai suposicións. O grupo municipal do PP di que, no caso da alcaldesa de Viveiro, a socialista María Loureiro, fai xa moito tempo que deixou de ser posible supoñerlle certa capacidade de xestión; a estas alturas, no hai posibilidade de facer tal suposición porque ten demostrada, con feitos, a súa incapacidade neste terreo. E hai un perfil do labor de goberno no que a falta de eficacia da alcaldesa e do seu equipo se pon de manifesto con total claridade: o económico. No 2019 aprobou o orzamento municipal en novembro, é dicir, que peor xestión económica, imposible. E este ano vai polo mesmo camiño, segundo indica o portavoz popular, Óscar Rodríguez, que di que se tal feito ocorre non será porque os populares non avisen nin deixen de instar ao goberno municipal a facer o que ten que facer que é presentar canto antes, e xa é con retraso preocupante, un proxecto de orzamento para o ano en curso.
Óscar Rodríguez di que é lamentable que a estas alturas de febreiro non estea convocada a correspondente comisión para traballar sobre o proxecto de orzamento. «Verdadeiramente é incrible. É difícil de entender que o goberno dun concello como é o de Viveiro incorra neste exemplo de mala xestión que é o retrasar a aprobación do orzamento. Queremos que ese proxecto se nos presente canto antes, porque Viveiro necesita dispoñer a tempo de presuposto».
O portavoz municipal dos populares avisa a María Loureiro de que no proxecto orzamentario terán que figurar as partidas necesarias para que sexa posible a execución das mocións aprobadas, que no caso do PP son numerosas. Así, Rodríguez recorda que será necesario prever o custe de implantar un transporte verde e sostible, mediante a instalación de puntos de recarga eléctrica e a renovación da flota municipal con vehículos verdes. Tamén se necesitará consignar os cartos precisos para facer accesible, mediante a instalación dun elevador, o pavillón municipal de deportes. Igualmente, terá que aportar o Concello a súa parte para a Escola de Idiomas. E o mesmo no caso das melloras que son precisas en Xunqueira.
Polo tanto, di Rodríguez, é preciso que o goberno municipal presente canto antes o proxecto orzamentario e que nel figuren as partidas necesarias para facer fronte aos compromisos económicos adquiridos, entre outras vías, pola da aprobación de mocións. Lamenta o portavoz popular que fose rexeitada no pleno pasado a proposta do seu grupo para abrir á participación dos cidadáns a elaboración do orzamento para o ano en curso. Espera que non pase o mesmo no do 2021. Pero de momento, a reivindicación do grupo municipal do PP, resúmese así en palabras de Óscar Rodríguez: «Orzamento municipal para 2020, xa!».
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
