Ribadeo, 18 de febreiro de 2020.- O voceiro do Grupo Municipal do PP de Ribadeo, Daniel Vega, pon en valor os máis de 7 millóns de euros de investimento que dirixiu o goberno galego ao municipio durante o 2019. Pero, “esta cifra increméntase ao engadir as achegas da Xunta para sufragar o funcionamento dos principais servizos públicos do municipio como son o centro de saúde ou os centros de ensino público –CEIP Gregorio Sanz, IES Dionisio Gamallo Fierros, CIFP Porta da Auga e a ECA Pedro Murias-”, asegura.
O popular fixo balance das achegas da administración autonómica nunha xuntanza co delegado territorial da Xunta en Lugo, José Manuel Balseiro, na que destacou os “máis de 276.000 euros que dirixe o goberno galego para o mantemento do servizo de axuda no fogar e nos máis de 371.000 euros que o goberno galego achegou ao Concello con cargo ao Fondo de Cooperación Local para acometer obras e prestar os servizos aos veciños e veciñas que sexan máis apropiados”. E, en relación ás achegas para realizar melloras, destaca os máis de 143.000 euros para a estación de autobuses.
No ámbito do emprego “a Xunta dirixiu máis de 1,3 millóns de euros a Ribadeo e os ribadenses en forma de axudas a autónomos, pequenas empresas, colectivos comerciais e tamén á propia administración local” para sufragar a contratación dun AEDL, un orientador laboral, 5 traballadores perceptores da RISGA, un traballador máis con cargo ao programa Aprol Rural e un total de oito socorristas durante dous meses. Ademais, Vega pon en valor “o desenvolvemento de cursos AFD no CIFP Porta da Auga e dous obradoiros de emprego nos que participan 36 persoas en situación de desemprego grazas a un investimento de máis de 516.000 euros.
Medio ambiente e vivenda
En materia de vivenda e medio ambiente, Ribadeo viuse beneficiado na pasada anualidade con preto de 2,3 millóns de euros. Destes, 1,1 millóns dirixíronse ás áreas de rehabilitación (ARI) do conxunto histórico ribadense e do núcleo de Rinlo e outros 982.000 euros corresponden á achega da Xunta establecida no convenio para a construción e rehabilitación de 40 vivendas na rúa Rafael Fernández Cardoso. “A renovación do pavimento da rúa Pintor Fierros foi posible grazas a unha achega de máis de 72.000 euros por parte da Xunta con cargo ao plan Hurbe”, sinala o voceiro dos populares ribadenses. “O compromiso do goberno galego coa divulgación do noso patrimonio natural demóstrase coa achega de máis de 61.000 euros para o servizo de actuación do uso público e divulgación dos valores naturais da Praia das Catedrais”, engade Vega.
Apoio ao medio rural e do mar
“A Xunta de Galicia apoia ao noso rural coa achega de axudas agricultores e gandeiros”, segundo explica o voceiro dos populares poñendo en valor “os 1,6 millóns de euros que dirixiu a Ribadeo no 2019”. Trátase, principalmente, de axudas dirixidas de forma directa ao sector que suman máis de 1,3 millóns ás que hai que engadir outras axudas puntuais en concepto de plans de mellora, novas incorporacións, pequenas explotacións e horta. “O goberno galego investiu tamén preto de 30.000 euros en Ribadeo para arranxar camiños con cargo ao Plan Marco 2018-2019 e achegou máis de 26.000 para a adquisición dunha motobomba e un tractor”, manifesta Vega.
O sector do mar, pola súa banda, viuse beneficiado en Ribadeo con preto de 335.000 euros que investiu a administración autonómica en concepto de axudas ou para levar a cabo proxectos coma o da reforma da climatización no centro de cultivos mariños.
Outras achegas
Daniel Vega non quixo esquecer outras achegas para a mellora de establecementos turísticos, o desenvolvemento de distintos programas culturais –O teu Xacobeo e Rede Galega de Teatros e Auditorios-, o apoio ás Festa das Cruces de Arante declarada de interese turístico ou investimento dirixido a outros ámbitos diversos coma o deporte, a igualdade, a prevención de condutas aditivas, emerxencias, a conservación fluvial ou a dixitalización do patrimonio cultural.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.