O VICEDO .- A Xunta de Galicia impulsa a reactivación do minicriadeiro de cultivos mariños do Vicedo, outorgándolle un uso mixto que combine o traballo de investigación e tamén a produción de semente para a repoboación de especies con alto valor comercial. A delegada territorial, Raquel Arias, asegurou que nos últimos meses dispúxose un investimento de 185.000 euros para “a dotación de material e de persoal da instalación e relanzar a actividade da mesma”.
Nota de Prensa
A XUNTA INVISTE PRETO DE 200.000 EUROS NA REACTIVACIÓN DO MINICRIADEIRO DE PRODUTOS MARIÑOS DO VICEDO
* A delegada territorial, Raquel Arias, visitou hoxe as instalacións, nas que actualmente se realizan cultivos de ameixa japónica e ourizo de mar
O Vicedo, 21 de abril de 2010.- A Xunta de Galicia impulsa a reactivación do minicriadeiro de cultivos mariños do Vicedo, outorgándolle un uso mixto que combine o traballo de investigación -coordinada co Centro de Investigacións Mariñas de Ribadeo, dependente da Consellería do Mar- e tamén a produción de semente para a repoboación de especies con alto valor comercial.
Así o indicou hoxe a delegada territorial da Xunta, Raquel Arias, quen visitou de novo as instalacións para coñecer o estado no que se atopan actualmente e o nivel de actividade que presentan, logo dunha primeira visita realizada xunto coa conselleira de Mar, Rosa Quintana, na segunda metade do pasado ano. A conselleira comprometérase naquel momento a reactivar de xeito inmediato a instalación. Así, nos últimos meses dispúxose un investimento de 185.000 euros para “a dotación de material e de persoal da instalación e relanzar a actividade da mesma”, segundo expuxo a representante do Executivo galego.
Arias confirmou a disposición do novo equipo da Consellería de Mar a reactivar progresivamente o criadeiro. Neste sentido, destacou “a diversificación como unha das vías de potenciación, buscando a produción de semente de especies como a ameixa ou o ourizo, asegurando o produto nos bancos pesqueiros e o desenvolvemento de investigacións no ámbito mariño”. Así mesmo, evítase a excesiva flutuación do mercado e a correspondente perda de ganancia para o sector.
O minicriadeiro conta actualmente con dous técnicos, que realizan cultivos de ameixa japónica e ourizo de mar con vistas a obter crías tanto para traballos experimentais como para semente.
A delegada territorial explicou que a Consellería de Mar vai seguir apostando por este tipo de instalacións “e pola súa correcta orientación de actividade e dimensionamento acorde coa produción e posibilidades económicas de sostemento”, evitando en cambio “macrocriadeiros inviables que en nada axudan ao sector”.
Arias afirmou que este proxecto é unha proba máis do impulso que a Xunta pretende conferir aos peiraos da Mariña lucense. Portos de Galicia financiou na Confraría de Pescadores do Vicedo proxectos que suman 163.543 euros dende o pasado ano, nalgúns casos obras de mellora como a ampliación dun local para sala de reunión ou a instalación dunha rampla de acceso á cámara.
Na mellora das defensas dos portos de Cariño e O Vicedo investíronse 266.260 euros, e está pendente de execución outra partida de 175.551 co mesmo fin, así como unha obra que roldará os 40.000 euros para a estabilización dun talud con escolleira na parte traseira de acceso ao peirao do Vicedo.
Por último, o investimento no Grupo de Acción Costeira número 1 entre os anos 2009 e 2010 suman 1.432.088,39 euros. Neste grupo está incluído O Vicedo xunto con outros doce concellos (Valdoviño, Cedeira, Cariño, Ortigueira, Mañón, Viveiro Xove, Cervo, Burela, Foz, Barreiros e Ribadeo).
A delegada, que estivo acompañada na visita polo xefe territorial de Mar, Vidal Martínez; o alcalde do Vicedo, Jesús Novo, e patrona maior da confraría vicedense, Faustina Solloso, indicou que, en total, os investimentos para esta franxa do litoral superan os 2 millóns de euros. “O propósito –sinalou- é potenciar un sector que resulta básico para a economía da nosa provincia, tratando de mellorar a seguridade e a rendibilidade da actividade pesqueira”, concluíu.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
