Lugo, a 15 de maio de 2020. Os senadores, José Manuel Barreiro, Rosa Arza e Manuel Varela, solicitarán ao Goberno que favoreza a repatriación dos lucenses residentes no extranxeiro e que non poden voltar aos seus lugares de orixe polo estado de alarma. Os populares farán esta petición na Cámara Alta, alertados por algúns dos afectados, onde tamén demandarán que o Executivo detalle o número de persoas da nosa provincia que lle consta tanto á Subdelegación como ao ministerio de Asuntos Exteriores que non teñen a posibilidade de regreso, pese a querer facelo.
É o caso dunha moza, natural de Mondoñedo, que se atopaba realizando un Erasmus en Lituania cando se estendeu a pandemia. A estudante aínda non puido voltar porque, primeiro, se lle comunicou que perdería todo o curso se non remataba con éxito unha prácticas presenciais. Cando se solucionou a parte académica, a única solución que obtivo por parte da Embaixada española foi coller un avión a Londres, sen ningunha garantía de poder chegar a España dende a capital británica se tomaba dito voo. Agora, o enlace que tiña contratado con destino ao noso país, foi cancelado e a rapaza non ten ningunha posibilidade de regresar.
Os populares consideran “lamentable o abandono e o desamparo no que deixa o Goberno a rapaces como a mindoniense, ocasionándolles tanto a eles como ás familias gran tensión, incertidume e medo
“Queremos explicacións e, sobre todo, unha solución a estas persoas”, remarcan os senadores. “Así nolo fixeron constar un gran número de lucenses que se atopaban no extranxeiro e se puxeron en contacto con distintas embaixadas de diferentes países sen obter a axuda que demandan”, precisan.
Esta situación xorde logo de que o Goberno de España decretase, mediante orde ministerial, o peche total das fronteiras nacionais. Esta orde entrou en vigor o domingo 22 de marzo e inclúe algunhas excepcións ao peche de fronteiras, entre outras, os españois residentes en España poderían seguir accedendo ao noso país. Sen embargo, e dado que se prohibiu o desembarco de pasaxeiros de avións, barcos ou trens, así como o tránsito transfronteirizo por estradas, foron moitos os españois que se quedaron varados en diversos lugares do mundo, como é o caso da estudante de Mondoñedo, e sen ser atendidos e amparados polo Goberno para favorecer o seu regreso.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
