Viveiro, 15 de maio de 2020. Na reunión de portavoces celebrada hoxe ás 12:00 horas, o concelleiro de SON Viveiro-SON en Común propuso unha batería de medidas para garantir a seguridade pública na actualidade:
1º) Respecto aos semáforos: coa finalidade de evitar acumulación de persoas que desexen cruzar, así como aglomeracións nas beirarrúas que impidan manter a distancia de seguridade interpersoal de dous metros, deberán estar permanentemente en ámbar.
2º) Onde sexa necesario e de xeito provisional, aos pasos peonís daráselles máis anchura e dividiranse pola metade cunha franxa, indicando en cada unha das dúas partes resultantes o sentido no que poden cruzalo as e os viandantes.
3º) Sinalizaranse todas as beirarrúas do municipio para que se circule, segundo o establecido polo artigo 1.213 de Reglamento General de Circulación, sempre pola man dereita.
4º) Sinalizaranse como rúas de sentido único todas as rúas do concello cunha anchura inferior a 2,50 metros.
5) Efectuarase unha división en dous sentidos en todos os paseos e xardíns e lugares de tránsito cuxa anchura o permita.
6) Limitarase o espazo reservado para terrazas na temporada anterior, sempre e cando quede dispoñible o espazo regulamentariamente establecido para a libre circulación.
7) Onde sexa posible, nos negocios da nosa cidade, sinalizarase mediante liñas descontinuas no chan o número de persoas que poden estar esperando o seu turno ‒incluíndo ás entidades financeiras‒ e estas ubicaranse á distancia regulamentaria unhas respecto das outras, non poderán entorpecer a libre circulación e contarán coas medidas de seguridade decretadas.
En palabras do voceiro do grupo, Luis Manuel García Otero: “O goberno municipal estudará a viabilidade das nosas suxestións, que son todas factibles e necesarias. Nesta fase do confinamento, as cidadás e os cidadáns temos dereito a gozar da vía pública con plenas garantías para evitar contaxios e poder ir aumentando progresivamente a confianza nas nosas saídas, ata acadar a nova normalidade. Ademais, non debemos esquecer que o noso municipio conta con numerosas segundas residencias e convén que nos anticipemos e atopemos preparados ante o previsible aumento poboacional que se producirá unha vez que o goberno autorice a libre circulación de persoas”.
Medidas propostas por SON Viveiro para garantir a seguridade pública
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O Consello de Contas sitúa a Vilalba entre os concellos galegos cunha mellor xestión económica
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
