Viveiro, 6 xuño de 2020. “Chega tarde, é pobre, escaso, carente de imaxinación e totalmente inadecuado para actual conxuntura”. Así ve o grupo municipal do PP o proxecto de presuposto presentado polo goberno de Viveiro; os populares cren que, de novo, a alcaldesa, María Loureiro (PSOE), dá mostras da súa curta visión política e do papel que lle corresponde xogar á institución municipal nun momento tan difícil para os veciños.
O portavoz popular, Óscar Rodríguez, considera que o proxecto de presuposto que presenta o equipo de María Loureiro non sería bo nin para un momento de normalidade, que non é o caso debido a crise sanitaria e as complicacións económicas que xera.
Rodríguez comeza por destacar o feito de que o orzamento se someta a aprobación no mes de xuño. Unha vez máis, di, o goberno municipal foi incapaz de preparar o proxecto presupostario e aprobalo a final do ano pasado, para que entrara en vigor en xaneiro. “Que non aleguen que a crise sanitaria foi a causa, porque non vale; o orzamento ten que entrar en vigor a primeiros de ano, que é o que esixe unha xestión eficiente da economía do Concello”
O orzamento totaliza 14,2 millóns. O portavoz popular di: “Hai que destacar que non inclúe nin un só proxecto novidoso, algunha iniciativa que sexa o sinal de identidade das grandes contas do Concello para o actual exercicio económico. É claro que a crise provocada pola covid-19 esixe esforzos económicos para axudar aos cidadáns; aínda que sexan incapaces de recoñecelo, o goberno sabe que as medidas que se comprometeron a aplicar foron propostas polo PP. Pero unha cousa non quita a outra, porque precisamente polos malos tempos económicos que corren é preciso que os concellos deseñen e executen proxectos de obra nova; é imprescindible para mobilizar recursos que xeren emprego”.
Por outro lado, Rodríguez destaca que na proposta orzamentaria confírmase un recorte da partida para a asignación de subvencións a asociacións de todo tipo, un recorte especialmente prexudicial dadas as necesidades derivadas da crise sanitaria.
O PP lamenta que “unha vez máis a alcaldesa e o seu equipo non sexan capaces de estar á altura das circunstancias e cheguen tarde, mal e arrastro coa súa proposta orzamentaria; é outra ocasión perdida para Viveiro, especialmente grave na presente conxuntura”
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
