A Mariña, 8 de Xuño 2020. A portavoz nacional, Ana Pontón, mantivo un encontro co comité de empresa de ALCOA-San Cibrao e tamén das auxiliares “no que trasladamos todo o apoio do BNG e os parabéns pola gran mobilización que demostra que hai toda unha comarca en pé en defensa do emprego porque esta factoría e vital e desde o BNG imos traballar para darlle futuro ao emprego e á produción de aluminio que é estratéxica”.
A líder nacionalista salientou o seu convencemento “de que se esta fábrica de aluminio primario non estivese aquí na Mariña senón en Madrid o problema xa estaría resolto e o que reclamamos desde o Bloque e que Xunta e Goberno central traballen man a man para dar unha solución a ALCOA, porque a xente desta comarca sabe perfectamente quen son os responsables desta situación, tanto o PP como o PSOE”, salientou ante os medios tras o encontro.
Os primeiros porque aprobaron un marco enerxético que é unha ruína para o sector industrial galego e os segundos porque o mantiveron e non foron capaces de cumprir os seus compromisos, “e estamos no momento das solucións, porque Galiza non se pode permitir perder nin unha soa industria, nin unha so emprego, nin unha factoría nun sector estratéxico”, reclamou.
Solución que para o Bloque pasa pola intervención pública a través dunha nacionalización que permita garantir os postos de traballo porque unha operación de compra-venda privada co actual marco enerxético “xa vimos cal foi o resultado na antiga factoría de ALCOA na Coruña”. Polo tanto, intervención pública “e non aceptamos un non por resposta dos mesmos é que salvaron a banca con 90.000 millóns de euros”, indicou nunha xuntanza na que tamén participou a cabeza de lista por Lugo, Olalla Rodil.
A líder nacionalista tamén insistiu en que hai recursos porque está previsto que o Estado español reciba 140.000 millón de euros da UE, “e unha parte debe estar destinada a salvar o emprego real e unha produción estratéxica porque senón producimos aluminio o que faremos será mercar o que ven de fora”.
Pontón foi contundente co papel de “brazos caídos” e de inacción política de Feixóo, en modo espectador como senón levase uha década instalado en Montepío.
“O presidente da Xunta e candidato á Presidencia debe implicarse na solución, leva dez días escondido, sen dar a cara e sen mostrar unha alternativa viable, a que espera para dar alternativas e propostas de futuro? Non podemos ter un presidente escondido que prefire esa política de canto peor mellor porque cree que pode sacar réditos electorais e porque entendemos que neste momento se require altura de miras e que a Xunta estivese liderando a alternativa da intervención pública apostando porque esa fose a solución”, concluíu.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.