Compostela, 9 de xuño, 2020. O sector da Administración autonómica de CCOO acusa a Xunta de Galicia de aproveitar a crise da COVID-19 para privatizar servizos públicos. Desde o inicio da pandemia, o sindicato viña esixindo o reforzamento dos servizos de limpeza nos distintos edificios públicos, e así se fixo constar en todas as alegacións do sindicato aos protocolos de reincorporación ao traballo presencial. A Consellaría da Presidencia asumiu esta necesidade, porén, fíxoo mediante a contratación dunha empresa privada para acometer a limpeza dos xulgados galegos.
A petición de CCOO, tal como recolle un escrito rexistrado o pasado 4 de maio, concretábase no reforzamento dos servizos de limpeza dos xulgados a través das listaxes públicas de contratación temporal, ao abeiro do estipulado no capítulo iv, artigo sétimo, do Convenio Único da Xunta de Galicia.
As persoas que forman parte destas listaxes tiveron que aboar unha taxa para se inscribiren nelas e a maioría xa conta con experiencia e formación para o desenvolvemento do seu traballo. Ademais, estes chamamentos tamén incrementan as súas posibilidades de optar a un posto de traballo estable na Administración.
Esta mesma petición de reforzamento dos servizos de limpeza tamén a fixo CCOO para as oficinas do Servizo Público de Emprego de Galicia; para os arquivos, bibliotecas e museos; para os edificios administrativos e para o resto de centros e dependencias da Xunta de Galicia. En opinión do sindicato, a adopción de medidas de reforzamento da limpeza e a desinfección son «especialmente importantes para salvagardar a saúde dos traballadores e traballadoras, así como das persoas usuarias».
Porén, no canto de acudir a estas listaxes públicas, a Consellaría da Presidencia decidiu contratar a empresa Clece, que pertence ao Grupo ACS —do empresario Florentino Pérez—, amais de modificar e ampliar os contratos con outras entidades privadas que prestan este tipo de servizos.
A primeira fase desta privatización implicará a contratación de cincuenta persoas de Clece para reforzar a limpeza dos xulgados de Galicia. CCOO oponse a esta privatización e defende a mellora do servizos público. Tamén advirte que representará un maior custo para as arcas públicas, ao tempo que para a empresa serán cuantiosos beneficios «á custa de peores condicións laborais». Así mesmo, o sindicato lembra que a categoría de limpador ou limpadora existe nas listaxes da Xunta e que é unha «burla» ás persoas que pagaron unha taxa para estaren incluídas nelas.
Por todo isto, CCOO esixe que se deixe sen efecto a concesión deste servizo a Clece e que, en cambio, a Xunta contrate cincuenta prazas de limpador ou limpadora a través das listaxes públicas, ben sexa mediante un contrato de acumulación de tarefas ou reforzando aqueles outros postos de limpeza con contratos permanentes e estruturais.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
