Ferrol, 7 de xuño de 2020. Tras o anuncio de despedimento de 534 traballadores e traballadoras da Planta de Alcoa en San Cibrao, municipios de Cervo e Xove, e outros 300 empregos indirectos de empresas auxiliares, as organizacións diocesanas que conformamos a iniciativa Iglesia polo Traballo Decente na nosa diocese, HOAC e Cáritas, queremos solidarizarnos con todas as familias que están a ver ameazado o seu medio de vida de forma directa ou indirecta por esta decisión totalmente inxusta.
A realidade do mundo obreiro que xorde tras esta crise da COVID-19 parece
manifestarse novamente coa rotura da cadea polo seu elo máis débil, o dos
traballadores e traballadoras, que ven como movementos especulativos e razóns que nada teñen que ver coas leis da oferta e a demanda tiran por terra os seus proxectos de vida e a dignidade que proporciona a posibilidade de dispoñer dun traballo decente.
Se algo nos ensinou esta situación que estamos a padecer é que non podemos
prescindir daqueles sectores estratéxicos que garanten o abastecemento de
determinados produtos e servizos esenciais ante calquera continxencia, esixindo que por parte dos poderes públicos se dispoñan os medios para contrarrestar os fenómenos de deslocalización da produción que arrebatan do lexítimo dereito ao traballo a unha parte da humanidade, á vez que garantan procesos de mellora continua para avanzar cara a unha economía circular de alto valor engadido compatible cun adecuado coidado da creación.
Sumámonos así ás súas demandas lembrando aquelas palabras que un día expresou o Papa Francisco ante unha situación similar: «unha empresa que despide para salvarse non é unha solución. Máis que despedir, hai que acoller e facer sentir que existe unha sociedade solidaria”, e solicitamos a os poderes públicos que poñan ás persoas no centro do conflito con criterios de xustiza social, para atopar a restitución da plena actividade da empresa, co rexeitamento daquelas decisións que só serven para enriquecer, aínda máis, a quen de forma permanente utilízaos como coartada.
Que o Obreiro de Nazaret vos guíe na vosa loita
HOAC e Cáritas da Diócese Mondoñedo-Ferrol apoian á clase traballadora de Alcoa
Relacionado
-
Patricia Otero acusa ao PP de Lugo de poñerse do lado da especulación e en contra das familias
-
A CIG convoca folga no comercio de alimentación da provincia de Lugo o 10 de outubro en resposta ás “miserentas propostas da patronal”
-
O PP censura o “afán recadador” do Goberno do estado que pretende cobrar 48.000€ anuais aos vilalbeses en taxas non establecidas no convenio da depuradora durante os próximos 25 anos
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
