Lugo, 17 de xuño de 2020. A candidata do BNG por Lugo, Olalla Rodil, visitou o concello de Navia de Suarna xunto co edil do BNG, Roberto Carballo. Na visita a candidata do BNG destacou que “Navia é o exemplo da perda de servizos públicos que as políticas do Partido Popular aplicou nos últimos once anos, especialmente para a poboación do rural”. “O rural pode ser un motor estratéxico do desenvolvemento económico e social do país, especialmente no sector agrogandeiro e forestal, mais tamén no cultural e nos coidados”, afirmou Olalla Rodil
Olalla Rodil e Roberto Carballo visitaron o centro de saúde de Navia de Suarna, que conta só cun médico. A candidata do BNG criticou que “os recortes do Partido Popular fixeran que un concello quede co seu centro de saúde desatendido se o único médico dispoñible ten que saír a atender unha urxencia ou realizar unha visita domiciliaria”. Segundo Olalla Rodil, “o goberno da Xunta de Galiza maltratou nesta década á veciñanza do rural eliminando servizos públicos esenciais como a sanidade”.
“No BNG traballaremos a partir do 12 de xullo en cambiar esta situación, deixar atrás as políticas fracasadas do PP e facer que vivir no rural non ten que ser nin un acto heroico nin unha carreira de obstáculos”, afirmou Olalla Rodil, que engadiu “o piar fundamental do BNG no Goberno da Xunta será recuperar os servizos públicos e apostar por un novo modelo de desenvolvemento rural que favoreza o acceso a estes servizos ás persoas que aposten polo desenvolvemento no rural”
Valoración do Barómetro do CIS
A candidata do BNG por Lugo valorou os resultados do barómetro publicado onte polo CIS. Olalla Rodil lembrou que “a única enquisa válida é a que o pobo galego emita nas urnas o 12 de xullo”. “Precisamos un cambio real na Galiza, e para iso o primeiro paso será converter a Ana Pontón na primeira presidenta da Xunta de Galiza”, sentenciou Olalla Rodil.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
