Burela, 8 de agosto, 2020. 
A pivote Cristina Pérez convértese na undécima peza das Guerreiras para 2020-21. A continuidade da murciana, con contrato ata 2022, súmase ás de Bea Mateos, Dany, Lara Balseiro, Ale de Paz e Jenny, ademais das chegadas da meta Sandra Buzón e a universal Elena Aragón desde Leganés, con Jozi, Peque e Cami, con contrato en vigor.
Para Cristina esta será a terceira tempada de laranxa. Logo dunha dura lesión de xeonllo en 2018-19, a xogadora regresou ás pistas o pasado mes de decembro cunha excelente resposta e converteuse ademais nunha das protagonistas dos momentos máis duros da pandemia, poñendo a súa formación como enfermeira ao servizo do sistema sanitario madrileño. A 5 burelista reincorporouse á dinánima do equipo para disputar e celebrar o título de liga en xuño e agora só pensa en poder seguir medrando, co ronsel gañador: “Creo que o equipo ten que seguir na mesma liña. O ano pasado gañamos todos os títulos que disputamos e ese é o camiño que queremos seguir”.
Coma toda a escuadra, Cristina non ve a hora de volver sentir todo o que rodea a competición, cun gran reto por diante: “Este ano vai ser unha tempada atípica, con moita carga de partidos. Haberá que enfocar a tempada para chegar ben a momentos clave xa que teremos moitos títulos en xogo. E o reto será gañalo todo; este equipo está feito para iso”.
“Aínda que sexa unha tempada rara intentaremos facer gozar á nosa afección e traer títulos a Burela. Sabemos que aínda que non poidan acompañarnos no pavillón nos estarán apoiando” aseguraba a 5 mariñá botando a vista atrás e recordando esa experiencia vivida xa co Martín Carpena de Málaga sen público, en pugna polo título de liga, aínda que con infinidade de mensaxes de apoio da sempre incondicional afección laranxa.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
