RIBADEO (FNC) .- O alcalde de Ribadeo, Fernando Suárez, decretou o despido do director da Escola de Música, Lourenzo Cruz, atendendo á resolución proposta do órgano instrutor do expediente disciplinario aberto a este traballador municipal.
O rexedor sinalou que “despois de varios meses de tramitación dun expediente disciplinario, onde o alcalde non tivo participación, porque un non pode ser xuíz e parte e este expediente, segundo marca a lei, levárono uns instrutores que son funcionarios do Concello de Ribadeo; despois dunha serie de datos que foron obrando no expediente, de testemuñas, de antecedentes documentais… despréndese segundo a propia proposta do organismo instrutor que, segundo a lexislación laboral do estatuto dos traballadores e toda a xurisprudencia, hai unha serie de cargos fundamentalmente deslealdade e abuso de confianza que son constitutivos de despido”.
Suárez Barcia explicou que “se practicaron todas as probas pertinentes sempre co principio de audiencia ao interesado, sempre se respectou a presunción de inocencia e houbo finalmente unha proposta de resolución que se comunicou. Despois procedéuse á presentación de alegacións que xa alcaldía tivo que resolver, foron unhas alegacións que considerei infundadas e o alcalde non creu oportuno apartarse da proposta de resolución que o órgano instrutor propuxo, e decretou o despido deste traballador municipal”.
O alcalde manifestou que “foron circunstancias desagradables para todo o mundo, creo que a situación do Concello de Ribadeo, da Escola de Música, dos pais, dos alumnos fixéronnos desde o primeiro ata o último momento clarexar todo o que aquí puidera haber, dunha maneira limpa”.
Fernando Suárez subliñou que “con estrita suxeición á legalidade vixente se estivo a instruír este expediente que derivou nesta situación. Todos somos iguais diante da lei e todos estamos suxeitos a dereitos e a deberes e neste caso actuamos no sentido que se propón no expediente de instrución asinado. Finalmente dicir que sobre este asunto non vou, en principio, volver a pronunciarme”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
