Viveiro, 17 de outubro de 2020.- O deputado do Grupo Parlamentario Popular, José Manuel Balseiro, presentou unha iniciativa no Parlamento galego interesándose polo contido e alcance do futuro plan de conservación do Souto da Retorta, un dos espazos naturais máis importantes da Mariña lucense.
Balseiro trasladouse ata este eucaliptal centenario, acompañado do portavoz do Partido Popular de Viveiro, Óscar Rodríguez, para presentar a iniciativa parlamentaria coa que se busca coñecer máis datos sobre este ambicioso proxecto da Xunta para mellorar a protección deste ecosistema natural.
O plan de conversación redactado polo Goberno galego conta xa co aval do Consello Galego de Medio Ambiente, integrado por una amplo abano de representantes da administración, da sociedade e da comunidades científicas, e entrará en vigor unha vez que se aprobe en Consello polo Goberno galego, un trámite que está previsto nas vindeiras semanas.
Obxectivos do plan
Entre os aspectos incluídos no plan, Balseiro pregunta polas actuacións concretas proxectadas para garantir a biodiversidade deste espazo: a mellora da vexetación nas ribeiras do Río Landro, outras para reducir a presión dos visitantes fóra dos sendeiros xa establecidos e tamén sobre as medidas dirixidas a favorecer a vexetación autóctona, coa eliminación progresiva de especies invasoras.
Con todo, as iniciativas que maior interese teñen para o deputado van dirixidas a coñecer que previsións inclúe o plan de conservación para fomentar a participación da poboación no coñecemento deste monumento natural e, nese senso, apunta a importancia de organizar cursos, xornadas de comunicación con escolares e empregar todo tipo medios de difusión, como as redes sociais.
Finalmente o deputado pregunta sobre as medidas proxectadas pola Xunta para o mantemento do bosque, a avaliación científica e periódica da situación sanitaria das árbores alí presentes.
O Avó de Chavín
Na parroquia de Chavín, no municipio de Viveiro, atopamos esta soberbia e singular formación botánica cuxa plantación iniciouse en torno ao ano 1880.
Este bosque naceu para poñer fin ás constantes inundacións que sufría este lugar debido ás frecuentes crecidas do río, afectando á actividade diaria das fábricas. Os eucaliptos axudan desde hai máis de cen anos a drenar o terreo.
O plan de conservación permitirá protexer as singulares plantacións de eucalipto, de finais do século XIX e principios do XX, así como o bosque de ribeira
Neste espazo destaca o coñecido como Avó de Chavín, un exemplar de eucalipto que ten entre 106 e 138 anos de idade, e está catalogado como un das 150 árbores singulares da comunidade. A árbore mide máis de 56 metros de alto e ten case 8 metros de grosor, mentres que o diámetro da súa copa supera os 25 metros.
“Contamos con tesouros de incalculable valor que deben formar parte do legado para xeracións futuras”-conclúe Balseiro.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
