A Carta Magna outorga relevancia ás organizacións de empresarios e empresas, as patronais. E non só a importancia de ser citados na principal regra xurídica. Dálles no artigo 7º a razón e o sentido de ser: “Contribuír á defensa e promoción dos intereses económicos e sociais que lle son propios” é dicir ao avance da sociedade defendendo os seus intereses de algún xeito son de todos. É isto así? Desde logo en Galicia non.
Ao amparo do marco constitucional nace en Galicia no 1981 a CEG para “a defensa dos intereses do empresariado galego ante as administracións, organismos e axentes sociais” como cita na súa páxina corporativa. Un interlocutor do agora chamado dialogo social. Xa a frase “defensa dos intereses ante” intrica na raíz constitucional, porén na CEG obvian a segunda parte do artigo 7, promoción tamén no eido social.
Era lóxico, na transición, regular no curto artigo 7 unha protección aos sindicatos e en boa lóxica ás patronais, estaba todo por construír e dotar de contido.
Mais a miña dúbida é. Hoxe precisamos a referencia constitucional aos sindicatos e patronais? Son hoxe os interlocutores precisos? Na miña opinión non. Hoxe son na maioría dos organizacións enormes lastradas pola débeda e a mala administración, en moitos casos sobre-dimensionadas e lonxe dos movementos sociais. Non se pode funcionar so contexto actual con organizacións fondeadas nos anos 80 do século XX. Mais o fallo non é o sistema, é a falta de adaptación á realidade, é certo que con excepcións, máis grave agora co cambio de paradigma que trae a COVID-19.
Galicia como País precisa dunha patronal forte e moderna, ou cando menos de entes empresariais que provoquen o avance social, que marquen a senda da inversión pública traballando a anos vista. Iso non é quen de facelo o modelo da CEG, permanentemente en crise de identidade e sen proxecto de País, sen proxecto de Galicia, subsistindo unicamente para ser parte do dialogo social e do reparto de formación como unha sorte de xestoría.
Pouca fe teño no novo proceso da CEG, terá dirección e deséxolle sorte, mais estou seguro de que seguirán cos vellos métodos de ser unicamente unha pata do desfasado modelo tripartito de negociación, que fai que calquera movemento dinámico e de sinerxía no eido empresarial fuxa rapidamente dos marcos administrativos ríxidos do mundo tripartito, ogallá me trabuque.
Está é unha proba máis de que a Constitución Española ten que ser adaptada ao novo marco de relacións en moitos campos: políticos, sociais, laborais e mesmo dixitais. Reflexiónemos, dende a COVID temos cada vez máis vida dixital, incluído teletraballo, están os dereitos de cada quen neste campo amparados pola CE?
Sorte a CEG, pero coido que eran mellor novos tempos e novas opcións, que se cadra xa están, pero que precisan dun impulso desde a administración que acredite en entrar no século XXI.
Piñeiro Docampo,
Sº XERAL DE CxG
MEMBRO DO CONSELLO DO PARTIDO DEMÓCRATA EUROPEO
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
