Lugo, 25 de febreiro de 2021. O Presidente da Deputación de Lugo, José Tomé Roca, presidiu este xoves a primeira reunión do ano do Consello Provincial de Turismo, encontro no que expuxo o Plan de Impulso da Economía da Provincia que vén de lanzar a institución cun investimento de 7M€, o 8% do orzamento provincial, e co que, subliñou, “seguiremos contribuíndo a manter e recuperar os sectores económicos máis prexudicados pola crise da Covid-19, sobre todo o turismo, a hostalería e o comercio, pero tamén avanzaremos cara a consolidación do modelo de turismo da nosa provincia, de calidade e sostible, coa posta en marcha de programas que crean valor engadido e xeran un efecto multiplicador na economía”.
José Tomé salientou o esforzo económico que fai a Deputación para sacar adiante o Plan de Impulso da Economía, sobre todo tendo en conta que, a día de hoxe, e despois dun ano de pandemia, “as administracións locais non recibimos nin un só euro extra para combater o impacto da crise, cando as necesidades son maiores”. Mentres, lembrou o Presidente, “os gobernos autonómicos, no noso caso a Xunta de Galicia, si que ingresou xa cuantiosos fondos do Estado en 2020, concretamente 224M€; recibirá 442M€ da Unión Europea; e onte mesmo, o Goberno do Estado anunciou un novo fondo de axudas de 11.000 millóns de euros para a hostalería, o turismo e o pequeno comercio. É unha boa noticia, un exemplo máis do traballo continuado para facer fronte á pandemia. Pero hai que xestionar estes fondos con acerto e con transparencia”.
Dar conta do novo plan da Deputación no Consello de Turismo “supón precisamente manter a fórmula de diálogo e de colaboración que dende un principio marcou a razón de ser deste órgano, pero tamén supón unha mostra clara de transparencia na xestión dos fondos públicos”, subliñou José Tomé, quen reiterou ante os membros do Consello a vontade da Deputación “de seguir traballando con rigor, compromiso e transparencia pola recuperación e impulso do turismo como sector económico estratéxico da provincia, dentro das nosas competencias e cos recursos dos que dispoñemos”.
Pola súa banda, a Deputada de Réxime Interior, Promoción do Territorio e Turismo, e Vicepresidenta do Consello Provincial de Turismo, Pilar García Porto, concretou ante os asistentes as dez medidas incluídas no Plan de Impulso da Economía da Provincia da Deputación.
Entre estas accións, García Porto resaltou os programas Coñece a túa provincia e Saborea a túa provincia, “que contribuirán á recuperación sostible do sector turístico e, ao mesmo tempo, a promover e incentivar o consumo dos produtos de calidade”, asegurou a Deputada, ademais de falar dos bonos para consumir na hostalería e o comercio; o fomento das viaxes en catamarán pola Ribeira Sacra; a ampliación do programa Lugo Termal; o apoio a colectivos que traballan pola promoción do territorio e ao tecido asociativo; e dos programas para a dixitalización de PEMES e autónomos, e para a mellora da empregabilidade de parados de longa duración e de mozos.
Reservas da Biosfera
Como novidade, as Reservas da Biosfera Ancares Lucenses e Montes de Cervantes, Navia e Becerreá e Terras do Miño estiveron representadas por primeira vez no Consello Provincial de Turismo. A adhesión destes dous órganos foi aceptada na primeira sesión ordinaria do 2020, celebrada o 4 de marzo no Salón de Plenos do Pazo de San Marcos.
O Consello Provincial de Turismo é un órgano participativo e consultivo creado pola Deputación para promover accións en impulso do destino turístico da provincia. Este organismo está formado por 24 persoas relacionadas co turismo lucense representando a entidades, institucións e asociacións, co obxectivo de gobernanza turística.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
