Ribadeo, 5 de abril de 2021.- A conselleira de Medio Ambiente, Territorio e Vivenda, Ángeles Vázquez, avogou hoxe por seguir destinando investimentos á revitalización do patrimonio natural e que ao tempo se siga a consolidar un turismo “sostible e de calidade” en Galicia, tal e como ocorreu esta Semana Santa. “Seguiremos mellorando e impulsando ese turismo de natureza do cal Galicia é tan rica e que, polo tanto, os galegos temos que coñecer; porque se o coñecemos, preservarémolo, coidarémolo e mimarémolo”, salientou.
Coincidindo co último día, ata o próximo período, no que será necesaria autorización da Xunta para poder acceder ao Monumento natural praia das Catedrais, a conselleira estivo hoxe na zona para facer un balance sobre a afluencia rexistrada nos últimos 10 días e poñer en valor o esforzo realizado polo seu departamento co fin de protexer e revitalizar o patrimonio natural galego, tendo en conta tamén o seu gran valor como reclamo turístico.
Neste sentido, puxo como exemplo o areal de Ribadeo, un espazo no que o seu departamento investiu máis de 1,35 millóns de euros desde 2015 e que este ano se consolida como unha boa alternativa de ocio para aquelas persoas que buscan realizar actividades en espazos abertos e de forma segura.
Desde o pasado 27 de marzo, indicou que preto de 6.000 persoas solicitaron a través da web habilitada pola Xunta o permiso necesario para visitar o monumento e explicou que, a raíz da aprobación do Plan de conservación das Catedrais en 2015, a Semana Santa é unha das épocas do ano nas que as visitas á zona quedan restrinxidas a 4.812 persoas ao día.
Os datos de afluencia ata hoxe, aínda provisionais, indican un descenso con respecto ao mesmo período de 2019, último ano de referencia, xa que cómpre lembrar que en 2020 non se concederon autorizacións debido ás restricións impostas pola covid.
En todo caso, a conselleira indicou que se trata dun dato que hai que enmarcalo nun contexto “atípico” como o actual e que provocou en todo o mundo unha caída drástica e xeneralizada dos fluxos turísticos.
Co fin de controlar o acceso ao monumento natural e facilitar información e axuda ás persoas que o visitaron durante esta Semana Santa, a Consellería de Medio Ambiente, Territorio e Vivenda activou sobre o terreo, durante os últimos 10 días, un dispositivo especial integrado por 7 traballadores. Encargáronse da comprobación in situ das autorizacións de acceso, do control da zona de aparcamento e do tránsito de vehículos, e da realización de visitas guiadas gratuítas polo monumento natural. Así mesmo, un axente medioambiental tamén estivo pola zona, coincidindo sobre todo coas horas de baixamar, nas que adoita concentrarse a maior afluencia de xente na praia.
Balance da Semana Santa en Illas Atlánticas
En canto ao balance provisional de visitantes no Parque Nacional das Illas Atlánticas, outro dos destinos máis demandados en Galicia durante a Semana Santa, entre os catro arquipélagos recibiron un total de preto de 6.000 persoas no período comprendido entre o venres 26 de marzo e o domingo 4 de abril. Neste reconto inclúense tanto os viaxeiros que accederon en barco a través do transporte regular, como os que o fixeron en embarcacións privadas ou con permisos de mergullo.
A modo de conclusión, a conselleira agradeceu o comportamento e a responsabilidade dos visitantes para garantir que a campaña de Semana Santa deste ano se estea a desenvolver sen incidencias, ao tempo que incidiu na importancia do labor realizado por todos os integrantes dos diferentes operativos e tamén polos axentes medioambientais, que reforzaron a información recollida nos carteis instalados para advertir aos visitantes dos riscos existentes, así como das sancións que poden impoñer en caso de detectar algún comportamento imprudente.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).