Burela, 1 de xuño de 2021. O alcalde, Alfredo Llano, agarda que as festas patronais de Burela se celebren con normalidade o vindeiro ano. Agora toca facelo seguindo as normas ditadas polas autoridades sanitarias para facer fronte á pandemia do covid. O rexedor subliñou a importancia destes festexos.
Llano dixo que “estamos a celebrar as festas de Burela, adaptadas á normativa da seguridade sanitaria porque procuramos facer as cousas da mellor maneira posible. Son unhas festas que polo menos lembren, motiven e fagan unha unión de pobo minimamente, que é o que nos parece máis adecuado”.
O rexedor agarda que as festas de 2022 se poidan celebrar con normalidade: “esperemos que para o ano que vén xa se poidan facer dunha maneira normalizada unhas festas que consideramos moi importantes porque Burela é unha referencia clara no inicio dos festexos na Mariña. As festas de Burela teñen unha gran importancia en moitos aspectos, sobre todo no vinculado co sector náutico pesqueiro. Estas festas víñanse celebrando nesta época para facilitar que a xente do mar tivese a oportunidade de desfrutar delas antes de partir á pesca do bonito”.
Alfredo Llano sinalou que “este ano estamos facéndoas da mellor maneira posible: houbo pregón, hai actuacións musicais, tamén se cantará a Salve o domingo no porto á unha da tarde, teremos as misas do sábado e do domingo, … Para dalgunha maneira lembrar as festas, motivar e recoñecer a importancia que teñen para Burela os festexos patronais e, sobre todo, como un premio ao que se fixo aquí porque en Burela, hai que dicilo con toda a intensidade, houbo un comportamento exemplar na xestión da pandemia. Por exemplo no mes de xullo do ano pasado o comportamento da veciñanza de Burela foi un exemplo claro de cómo facer as cousas para actuar con eficacia e con resolución ante a pandemia”.
O alcalde dirixiu unha mensaxe á veciñanza: “unha aperta para todos os veciños e veciñas de Burela e que, coa maneira que eles elixan, gocen un pouco destas datas, que son para celebrar”.
Celebrouse no marco das festas de Vilamar, en Barreiros.
Trátase dunha mostra apoiada pola Xunta que pon en valor o patrimonio histórico, artístico e xacobeo do templo. Comisariada polo historiador Daniel Manuel Vázquez Vila, a exposición reúne oito paneis de carácter didáctico que repasan a historia do santuario, as súas pinturas medievais, góticas e marianas e a súa relación cos Camiños do Norte. O acto enmarcouse no inicio das festas, que concluíu coa lectura do pregón a cargo de Carmen Rodríguez Cancelo.
Faino despois de que esta semana aparecese vandalizada a lápida de Paulo Lopes nun acto que a entidade cualificou de racista e xenófobo. O colectivo expresou o seu apoio á familia e reclamou que se esclareza a orixe da agresión. A concentración terá lugar o luns 25 de maio, ás 20:00 horas, na praza do Concello de Burela, baixo o lema de apoio a Antonina Semedo e contra o racismo.
Durante a visita, destacou a importancia do evento para impulsar a comercialización do produto artesán galego, achegar os oficios á sociedade e reforzar a marca Artesanía de Galicia como sinónimo de calidade e traballo feito á man. Nesta edición participaron 20 obradoiros inscritos no Rexistro Xeral de Artesanía de Galicia, especializados en marroquinería, cantería, xoiería, cerámica, forxa, bordado ao aire, cestería, xoguetes, tecido, debuxo, vidro, elaboración de roupa, bixutería, sombreirería e complementos de moda.
Os premiados e recoñecidos queixos de Gandería Quintián foron os protagonistas. Os asistentes puideron ver a elaboración de diferentes receitas, que despois tiveron a oportunidade de degustar. A Gastropraza está organizada polo Concello de Ribadeo, a asociación de Cociñeiros Lugo, a Xunta de Galicia e Acisa.
O acto contou coa presenza do alcalde, Carlos López López, e de representantes institucionais de ABANCA e Afundación. A mostra, que poderá visitarse na Casa da Cultura ata o 3 de xullo en horario de 14.00 a 20.00 h, forma parte do proxecto «Corrente cultural», co que Afundación impulsa a difusión artística por toda Galicia. A exposición reúne corenta fotografías procedentes dos arquivos da Axencia EFE que retratan a emigración española e galega ao longo do século pasado, ofrecendo unha mirada humana e documental sobre a historia de millóns de persoas que tiveron que abandonar o seu país para sobrevivir.
Durante a visita déronlle un ramo de flores e felicitárona en nome de toda a veciñanza nesta data tan especial. Un xesto co que o Concello quixo recoñecer e poñer en valor ás persoas maiores de Burela, que forman unha parte fundamental da comunidade.
