Lugo, a 4 de xuño de 2021. A Xunta Directiva do Partido Popular da provincia de Lugo reuniuse este venres en formato mixto -de forma presencial e telemática- para aprobar a distribución dos 139 compromisarios electos que lle corresponden á provincia de Lugo entre as distintas organizacións locais. “Os afiliados do PP da nosa provincia terán un papel fundamental á hora de elixir o que será o próximo presidente do PPdeG”, segundo destacou a presidenta do PP da provincia, Elena Candia. “Co seu voto poderán apoiar aos precandidatos e tamén aos compromisarios ou representantes por cada organización local no 17º Congreso do Partido Popular de Galicia, que é o máximo órgano do Partido”, continuou. Nese sentido, convidou aos afiliados “a participar con ilusión e responsabilidade neste proceso para a construción do Partido Popular da Galicia do futuro”.
O conclave autonómico será “aberto, participativo e funcional” dirixido a actualizar a organización do PPdeG: “non só os equipos, senón tamén as propostas e as ideas da Galicia de hoxe encamiñadas a servir á Galicia de mañá”, explicou Candia.
Os compromisarios electos outórganse, atendendo ao regulamento, nun 75% segundo o nivel de afiliación local con respecto á afiliación do total da provincia e nun 25% segundo a porcentaxe de votos obtidos neses municipios nas pasadas eleccións ao Parlamento de Galicia con respecto ao total da provincia.
Deste xeito, a agrupación local de Lugo deberá elixir 37 compromisarios; as de Monforte e Sarria, 8 cada unha; 4 compromisarios lle corresponden a Foz e outros tantos a Viveiro; 3 a Cervo, Chantada, Friol, Quiroga, O Saviñao e Vilalba; 2 á Pastoriza, Burela, Castro de Rei e Ribadeo; os 52 concellos restantes da provincia deberán elixir 1 compromisario cada un deles.
Requisitos e procedemento para a elección de compromisarios
Para participar no proceso electoral -ser elector e elixible nas asembleas de elección de compromisarios e de votación dos precandidatos- será necesario ter a condición plena de afiliado, estar ao corrente das cotas e inscribirse cumprimentando o correspondente formulario de inscrición de elector antes do vindeiro 16 de xuño ás 14.00 horas. Poderá presentarse como candidato a compromisario calquera afiliado previamente inscrito que o solicite ante o correspondente Comité Local ata o día 2 de xullo.
Posteriormente, o día 7 de xullo procederase en asemblea á elección dos candidatos a compromisarios correspondentes a cada agrupación local mediante votación secreta para a que se habilitará unha urna. Resultarán elixidos aqueles que obteñan maior número de votos. Ao mesmo tempo, habilitarase outra urna para amosar o apoio directo aos precandidatos á presidencia do partido.
Representantes da provincia de Lugo no 17º Congreso do PPdeG
Xunto aos compromisarios electos serán tamén os compromisarios natos -todos os membros da Xunta Directiva do Partido Popular de Galicia entre os que se atopan directivos do PP da provincia de Lugo, deputados e senadores e os membros da Comisión Organizadora do Congreso-, os representantes dos galegos residentes no exterior e os de NNXX -4 pola provincia de Lugo- os que participarán no Congreso do PP autonómico que se celebrará o 16 e o 17 de xullo na cidade de Pontevedra.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.