Viveiro, 8 de xuño de 2021. O Concello de Viveiro está a recibir chamadas dalgúns veciños e veciñas que poñen en coñecemento da administración que recibiron no seu domicilio unha chamada telefónica por parte de persoas que aseguran ser persoal do Concello de Viveiro.
Segundo indican os veciños afectados, na chamada, tras facerlles unha breve unha enquisa sobre o COVID-19, ofrécenlles a venta de diferentes produtos, como xeles ou desinfectantes a un baixo custo con respecto a outros provedores, concertando hora para levárllelos á casa.
O Concello de Viveiro advirte que non se está levando a cabo ningún tipo de enquisa, á vez que se pon de manifesto que podería tratarse dunha posible comisión de actos delitivos contra o patrimonio, tales como hurtos, roubos ou estafas. Aproveitándose da confianza de manifestar ser persoal do concello, as persoas detrás destas chamadas posiblemente utilicen esta artimaña para entrar nos inmobles ou mediante engano facilitar a venta/compra deses produtos.
Polo tanto, de producirse situacións similares, dende o Concello de Viveiro aconséllase que se poñan os feitos en coñecemento das forzas e corpos de seguridade, como a Policía local, a través do 112, ou do Corpo Nacional de Policía, a través do 091.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
