Lourenzá, 1 de xullo de 2021. Por encomenda do GDR (Grupo de Desenvolvemento Local) Terras de Miranda e apoiado pola Asociación Patrimonio Laurentino, un equipo de expertos en organería e protección do patrimonio musical estará esta fin de semana na igrexa de San Salvador de Lourenzá para avaliar a necesidade e custes dunha futura restauración dos órganos barrocos xemelgos situados no coro alto do que é hoxe a igrexa parroquial.
Estes órganos conforman un dos máis salientables elementos do patrimonio histórico-artístico-musical galego, peninsular e mesmo europeo. Construídos entre 1762 e 1765 polo notable organeiro compostelán, Alberto de la Peña (1707-1787), constitúen un magnífico exemplo do que deu de sí a organería galega e peninsular no Barroco, nun dos momentos de maior esplendor na arte da construción de órganos.
O equipo estará tres días traballando, realizando un pormenorizado estudo dos mesmos, inventariando o material conservado e indagando na documentación histórica dispoñible, referida á súa construción.
De carácter multidisciplinario, este equipo está composto polo experto en restauración e conservación de órganos, e profesor de fundamentos de organería na Escola Superior de Música de Cataluña, Óscar Laguna; Belén Bermejo, experta en protección do patrimonio e xestora cultural e Andrés Díaz, músico, investigador e experto en patrimonio organístico e un dos impulsores do Proxecto de Catalogación dos Órganos de Galicia.
Dos traballos desta fin de semana sairá unha proposta fundada, e debidamente contextualizada, sobre o alcance da necesidade e conveniencia da futura restauración dos instrumentos e a súa valoración económica.
ACTIVIDADES A REALIZAR DURANTE A FIN DE SEMANA DENTRO DO MARCO DE ESTE PROXECTO
Como complemento aos traballos de campo dos expertos, están previstas unha charla didáctica sobre os órganos e unha visita contextualizadora que permitirán coñecer máis a fondo os valores e riquezas que estes instrumentos agochan.
As actividades terán lugar o domingo á 11.00 h no coro da igrexa e é precisa inscrición previa no correo electrónico patrimonio.laurentino@gmail.com ou a través dun whatsapp nos números de teléfono 649281791/ 67729726. Aforo limitado a 15 persoas.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
