Santiago de Compostela, 24 de novembro 2021. O portavoz de agricultura e gandaría do BNG, Xose Luís Rivas (Mini) interpelou ao conselleiro de Medio Rural, José González ante o conflito so sector lácteo polos altos custes de produción que non van acompañados de prezos xustos na posterior venda do leite á industria.
Neste sentido, Mini propuxo a Medio Rural tomar a iniciativa de sentar na mesma mesa a todos os representantes da cadea de produción e obtención do leite e os seus derivados. A xuízo, do nacionalista, debe ser iniciada unha negociación entre, produtores e produtoras, Cooperativas, Industria e de maneira especial “a distribución”.
Por outra parte, na interpelación ao titular de Medio Rural, o nacionalista tamén reclamou demandar do Goberno do Estado “fixar uns custes de produción de referencia vinculantes e obrigatorios” na Lei da Cadea Alimentaria.
Na súa intervención, insistiu en que “só os protagonistas poden promover un posible acordo para saír da crise” pero a Xunta, afirmou, non pode permanecer “quieta e impasible” e seguir coa teima de “desacreditar ás organizacións sindicais agrarias polas mobilizacións”.
No debate da interpelación, o parlamentario aludiu á proposición non de lei do PP debatida minutos antes en aras de acadar un acordo ante o conflito do sector lácteo, proposta que na súa opinión só respondía a unha declaración de intencións porque a Conta láctea non establecerá custes de produción e polo tanto “nin ten credibilidade nin é fiable”.
Rivas criticou a inacción do goberno do Partido popular, durante 12 anos para intermediar. “Non convocou a Mesa do Leite e mantén xuntanzas por separado pero descoñecemos con que contidos”, subliñou.
Para o deputado do BNG, O PP tenta substituír ás organización sindicais por Organización de Produtores lácteos e por iso, dixo, “buscan o apoio deste Parlamento para promocionar produtos lácteos galegos incidindo na seguridade alimentaria, o benestar animal das nosas explotacións pero todo en maos de capital foráneo”.
O deputado fixo unha chamada á unidade do sector nuns mínimos a conquistar porque os custes de produción soben e polo tanto, debe subir o prezo final e reverter polo menos un 60% da suba no primeiro. Mini criticou que “boa parte da Industria de Transformación” opere baixo control francés dende hai décadas.
O PP refén dos intereses da industria e distribución do leite
A crise do sector polo incremento dos prezos da solla, colza ou fariña de millo que pasaron de 55 céntimos a 85, a subida do recibo da luz en máis do 50% ademais do gasóleo agrícola reducen “a escasa marxe” das explotacións leiteiras. “Todos estes elementos condicionan o 60% dos custes de produción que se moven nunha forquilla de 30 a 40 céntimos polo que cun incremento dun 30% destes custes temos o litro de leite entre 5 e 8 céntimos máis caro”, explicou.
Tras a resposta do conselleiro de Medio Rural, o deputado do BNG lamentou que , unha vez máis, o goberno non presente ningunha alternativa ao conflito dun sector estratéxico para conxunto de Galiza e cun “futuro incerto” e igual que fixera no debate da proposición non de lei do PP defendida pola popular, Elena Candia acusou ao goberno de ser “refén” dos intereses da industria e distribución, “non se sabe moi ben porque motivos” pero resulta evidente que o Goberno non quere “disgustar” a estas empresas, concluíu.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
