RIBADEO (FNC) .- O Concello envía unha segunda remesa de notificacións aos propietarios de solares e de fincas para que os adecenten canto antes. De non ser así poderán recibir multas coercitivas que oscilarán entre os 300 e os 6.000 euros, ademais de seren denunciados no xulgado.
O alcalde, Fernando Suárez, sinalou que “estamos notando avances na política que estamos aplicando desde hai tempo de cara a esixir aos propietarios de fincas que as adecúen para que os principios de ornato, seguridade e salubridade pública sexan unha tónica habitual no Concello. Hai xente que nada mais recibir os requirimentos enviados polos Concello xa veu dicirnos que ían proceder á súa limpeza, pero non é dabondo porque hai outra serie de propietarios que por non estar aquí, por non querer facerse cargo, por argumentar cincuenta cuestións que nada teñen que ver coa competencia municipal, que si son de varios parentes, que si non se poñen de acordo…algo que no Concello pouco nos importa e ademais porque sigo tendo queixas, con moita razón, por parte de colindantes e por parte de comunidades veciñais que nos din que aínda que notan avances non son suficientes”.
O rexedor contou que “estes días estamos mandando unha segunda remesa de notificacións xa definitivas coa advertencia de que si nun prazo concreto non limpan esas propiedades impoñeremos unha serie de multas coercitivas que van desde os 300 aos 6000 euros de acordo co artigo 203 da lei de ordenación urbanística e protección do medio rural de Galicia e co regulamento de disciplina urbanística”. Suárez Barcia engadiu que non quere ser o malo da película, “pero sí quero comunicarlle aos propietarios que fan caso omiso das nosas indicacións que de seguir así, a parte de seren obxecto dunha multa coercitiva, daremos conta ao xulgado contencioso-administrativo para que autoricen a entrada do Concello a esas fincas e proceder á súa limpeza subsidiaria, sen perxuizo de acudir ao xulgado de instrución para denunciar desacato á autoridade, porque nalgúns casos estamos diante dunha falta que pode ter cabida no que é a xurisdición penal. Eu quero advertir de boas maneiras e de bo grado aos veciños que aínda non fixeron caso ao primeiro requirimento que lles enviamos para que o fagan pola conta que lles poida ter desde os puntos de vista económico e xudicial”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
