Cervo, 15 de febreiro de 2022. O Concello de Cervo vai renovar a estrada que transcorre polos núcleos de Laxes, O Bidueiro e a estrada de Vilar, na parroquia de Sargadelos, aumentando o seu ancho co obxectivo mellorar a accesibilidade e a seguridade vial.
O alcalde, Alfonso Villares, xunto coa tenente alcalde, Dolores García Caramés, e a concelleira de Medio Ambiente, Mali Méndez, mantivo un encontro con varios veciños destes núcleos para explicarlles a actuación que se vai levar a cabo nos vindeiros meses.
O obxecto desta obra é realizar unha renovación do firme da zona, cubrindo todo o ancho do vial, o que proporcionará unha amplitude suficiente para o tránsito de vehículos en dúas direccións, mellorando a seguridade vial. Ademais, substituirase a rede de abastecemento de auga existente, por unha nova que ofreza mellores prestacións, así como tamén se executará un novo saneamento de pluviais e fecais, que de servizo aos núcleos da zona.
O orzamento desta actuación ascende a un total de 195.107 euros, financiados con fondos procedentes do Plan Único.
O rexedor destacou que “con esta actuación melloramos a dotación de infraestruturas básicas existentes, así como tamén a accesibilidade e a calidade de vida da parroquia de Sargadelos”.
Villares sinala que “seguimos a traballar para equilibrar a balanza de servizos para qie claquera persoa que viva nunha zona rural poida gozar das mesmas condicións que unha que viva nunha zona urbana”.
Por último, apuntou que “este tipo de actuacións nacen froito da comunicación constante que desde o executivo municipal mantemos cos veciños e veciñas”.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.