Santiago de Compostela, 1 de abril de 2022. O Centro de Formación e Experimentación Agroforestal Pedro Murias, dependente da Consellería do Medio Rural, acolleu diversas visitas escolares durante a pasada semana forestal para conmemorar o Día Internacional da Árbore, que se celebra o 21 de marzo de cada ano.
Así, os alumnos do IES Dionisio Gamallo, en Ribadeo, e dos colexios públicos de San Miguel de Reinante e de San Cosme, ambos no municipio de Barreiros, puideron ver a execución de traballos en altura, concretamente a recollida de piñas na parte alta do ciprés (Cupressus macrocarpa) característico deste centro, que foron baixadas mediante unha tirolesa ata os rapaces.
Seguidamente, os nenos plantaron distintas árbores no arboreto que ten o propio centro e no invernadoiro sementaron distintas variedades de cipreses. Así mesmo, participaron nun taller de elaboración de papel reciclado. Por último, aproveitando a súa visita a este centro, os estudantes realizaron un percorrido polas instalacións do centro, coñecendo a aula de produtos lácteos, a explotación de vacún e o taller de maquinaria agrícola e forestal.
Pola súa banda, a Consellería do Medio Rural conmemorou a semana forestal con varias plantacións de especies autóctonas por toda Galicia. Tamén se celebraron unhas videoxornadas centradas na dixitalización e a descarbonización, así como no Inventario forestal continuo de Galicia. Estas citas contaron coa participación de responsables e técnicos da Dirección Xeral de Planificación e Ordenación Forestal e con outros representantes de diferentes departamentos da Xunta, como da Axencia para a Modernización Tecnolóxica de Galicia ou do Instituto Galego de Estatística. Ademais, participaron expertos das universidades de Vigo e de Santiago, así como de empresas especializadas do sector forestal da nosa comunidade.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
