José Tomé Roca intervirá como poñente na mesa sobre despoboamento prevista para mañá no marco deste encontro de traballo dos máximos responsables das institucións provinciais, cabidos e consellos insulares de toda España que se celebra en Valencia baixo a organización da FEMP e a Fundación Democracia e Goberno Local
Lugo, 12 de maio de 2022. O Presidente da Deputación de Lugo, José Tomé Roca, participa na V Conferencia de Presidencias de Deputacións, Cabidos e Consellos Insulares de toda España que se celebra entre hoxe e mañá na cidade de Valencia baixo a organización da Federación Española de Municipios e Provincias (FEMP) e da Fundación Democracia e Goberno Local, co reto demográfico e a xestión dos fondos europeos para a recuperación como eixos centrais de debate.
José Tomé intervirá mañá como poñente nunha das mesas de traballo principais deste encontro, dedicada ao reto demográfico, durante a que expoñerá as políticas públicas que desenvolve a institución provincial lucense en cooperación cos concellos para contribuír a fixar poboación. Unhas accións dirixidas fundamentalmente a dotar de máis e mellores servizos públicos ao rural e a favorecer o emprego e a actividade económica aproveitando os recursos da provincia.
Xunto ao Presidente da Deputación de Lugo, na mesa sobre o reto demográfico, participarán os mandatarios provinciais de Huesca, Miguel Gracia Ferrer; Ávila, Carlos García González; Castellón, José Pascual Martí García; Barcelona, Nuria Marín Martínez; Soria, Benito Serrano Mata; e Alicante, Carlos Mazón Guixot, que exporán experiencias e reflexións sobre unha realidade que engloba desafíos moi diversos, desde o despoboamento e o envellecemento ata as migracións, a baixa natalidade ou a sobrepoboación estacional, entre outros.
A V Conferencia de Presidencias de Deputación, Cabidos e Consellos Insulares, que volve a celebrarse tras dous anos de pandemia, arrancou este xoves no Centre Cultural La Beneficéncia da Deputación de Valencia cun acto inaugural que contou coa presenza do Presidente da Generalitat Valenciana, Ximo Puig; o Presidente da institución provincial de Valencia, Toni Gaspar Ramos; a presidenta da Fundación Democracia e Goberno Local e da Deputación de Barcelona, Nuria Marín; o secretario xeral da Federación de Municipios e Provincias (FEMP), Carlos Daniel Casares; e a Secretaria Xeral de Coordinación Territorial do Ministerio de Política Territorial, Miryan Álvarez Pérez.
Seguidamente, tivo lugar unha conferencia inaugural a cargo de Alfredo Galán Galán, director da Fundación Democracia e Goberno Local, e Joaquín Tornos Mas, catedrático de Dereito Administrativo.
O Presidente da Deputación de Lugo subliñou que este encontro de debate e traballo entre os máximos responsables das entidades provinciais de toda España servirá para seguir deseñando políticas e actuacións que favorezan o desenvolvemento sostible e equilibrado do territorio e a mellora dos servizos á cidadanía, tendo en conta o papel determinante das administracións locais intermedias neste eido.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
