Burela, 19 de maio, 2022. A 23ª edición do Encontro Empresarial de Organizaciones Pesqueras abriu este xoves pola mañá o programa de actividades de Expomar 2022, que reuniu a 18 das entidades máis representativas da frota galega e asociacións profesionais do sector pesqueiro a nivel nacional para debatir sobre os principais problemas que afronta o sector pesqueiro.
Ao finalizar o ‘Encontro’ a conselleira de Mar da Xunta de Galicia, Rosa Quintana, e o presidente da Fundación Expomar, Alfredo Llano, visitaron aos representantes do sector.
As conclusións derivadas do traballo da mañá fixéronse públicas na primeira sesión das Xornadas Técnicas a cargo da secretaria adxunta de CEPESCA, Rocío Béjar.
A inauguración das Xornadas correu a cargo da conselleira do Mar da Xunta de Galicia, Rosa Quintana, que antes incluso de coñecer as conclusións do ‘Encontro’ ofreceuse para colaborar co sector pesqueiro na solución das súas reivindicacións.
A conselleira estivo acompañada polo presidente da Fundación Expomar e alcalde de Burela, Alfredo Llano; o presidente das federacións nacional e provincial de confrarías e patrón maior da confraría de Burela, Basilio Otero; o presidente do Galp A Mariña-Ortegal, Javier Martínez; e a concelleira de Mar de Burela, Carmela López.
A 29ª edición das Xornadas Técnicas Expomar mantén o seu formato clásico aberto ao público de forma presencial e tamén se pode seguir en directo desde a web www.expomar.com.
A primeira xornada “Xestión pesqueira e mercado europeo” contou coas intervencións de Ignacio Gandarias Serrano, director xeral de Ordenación Pesqueira e Acuicultura do MAPA; Daniel Voces, director de Europêche; e Pedro Reis, secretario xeral do Consello Consultivo de Mercados. Esta primeira sesión estivo moderada polo secretario xeral do Comité Consultivo de Pesca de Augas Lonxanas LDAC, Álex Rodríguez.
O venres pola mañá celébrase a segunda xornada “Sostibilidade, saúde e comportamentos de compra” coa participación de Cristina Cucullo, mánager da área de estudios ao consumidor de KANTAR; Gumersindo Feijoo, vicerreitor de Transformación Dixital e Innovación da Universidade de Santiago de Compostela; e Guillermo Aldama, cardiólogo do CHUAC, membro da Sociedade Española de Cardioloxía e da Fundación Española do Corazón. Esta segunda sesión estará dirixida pola secretaria adxunta de CEPESCA, Rocío Béjar.
A clausura das Xornadas Técnicas 2022 correrá a cargo da secretaria xeral de Pesca Marítima do Ministerio de Agricultura, Pesca e Alimentación, Alicia Villauriz, acompañada do presidente da Fundación Expomar e alcalde de Burela, Alfredo Llano; o presidente da Deputación de Lugo, José Tomé; a subdelegada do Goberno en Lugo, Isabel Rodríguez; e Narciso González en representación da Consellería do Mar da Xunta de Galicia.
As Xornadas Técnicas e o Encontro Empresarial están promovidos pola Fundación Expomar, en colaboración coa Deputación de Lugo e a Autoridade Portuaria de Ferrol-San Cibrao, e financiadas polo GALP A Mariña Ortegal.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
