Os populares abordaron a situación do sector de vacún de carne na reunión da Xunta Directiva provincial presidida por Elena Candia que contou coa participación do conselleiro de Medio Rural, José González
Lugo, 30 de xuño de 2022. A presidenta do PP da provincia de Lugo, Elena Candia, trasladou o máximo apoio da formación popular a “un dos sectores económicos de maior relevancia na provincia”, como é o sector gandeiro. Así o manifestou durante a reunión da Xunta Directiva do PP lucense deste xoves que contou coa participación do conselleiro de Medio Rural, José González, e na que os populares analizaron os apoios da Xunta de Galicia ao sector do vacún de carne.
O informe sobre custos de produción no sector da carne, elaborado pola Xunta en colaboración coa Fundación Juana de Vega, detecta unha venda a perdas xeneralizado no sector do vacún de carne e, máis concretamente, nas granxas de Ternera Gallega Suprema. De feito, calcula que existe unha diferenza de 1 euro por quilo entre o que terían que percibir os gandeiros para cubrir os seus custos e o que realmente están a cobrar pola súa carne.
Ante estes resultados, os populares reivindican “o cumprimento da Lei de medidas para mellorar o funcionamento da cadea alimentaria” porque consideran “imprescindible a venda dos produtos a uns prezos xustos para que as explotacións sexan rendibles e vexan garantida a súa viabilidade e o seu futuro”.
O Goberno galego trasladou os resultados do informe ás organizacións profesionais agrarias, os membros da Asociación de Gandeiros Galegos da Suprema, a distribución e a industria, que son os asinantes do “histórico” protocolo da cadea de valor da carne impulsado pola Xunta co obxectivo de frear a venda a perdas.
Medidas para valorizar a carne
Co obxectivo de valorizar a carne de Ternera Gallega Suprema nos puntos de venda e que este aumento repercuta nos prezos que reciben os gandeiros, a Xunta impulsou diversas medidas. Por unha banda, a Consellería do Medio Rural e o Consello Regulador de Ternera Gallega investirán 1,4 millóns de euros nunha nova campaña de promoción a nivel nacional.
Igualmente, a Xunta aprobou e puxo en marcha un completo paquete de medidas para paliar as consecuencias da alza de prezos no sector agrogandeiro e para achegar liquidez ás explotacións: convocou as axudas para o anticipo da PAC, habilitará unha liña de financiamento de circulante -tamén sen custo financeiro- de ata 25 millóns de euros que permitirá facer préstamos de liquidez para os gandeiros. E tamén demandou ao Banco de España a concesión dunha moratoria dun ano por parte das entidades financeiras no pago das amortizacións dos préstamos a longo prazo que teñen vivos no sector agroalimentario.
Así mesmo, a Consellería de Medio Rural puxo en marcha o observatorio da cadea alimentaria e a nova unidade que asume as funcións da Axencia de Control Alimentario en Galicia para loitar contra a venda a perdas.
Outras iniciativas do PP lucense
Candia, que eloxiou “a calidade dos produtos do noso rural e, por suposto, a labor de tódolos gandeiros”, tense interesado no Parlamento de Galicia polas medidas do Goberno galego en apoio ao sector cárnico. Tamén se reuniu recentemente co presidente da Asociación de Gandeiros Galegos da Suprema para reivindicar o cumprimento da Lei da cadea alimentaria para a posta en valor do produto e aumentar a rendibilidade na produción.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
