O II Seminario Internacional sitúa Mondoñedo como sede académica internacional dos estudos galaico-portugueses e afianza á cidade como centro de actividades académicas de verán

O programa arrancou o pasado luns, incluíu 14 conferencias e dúas mesas redondas e finalizou na xornada de hoxe con visitas aos museos mindonienses e a biblioteca do Seminario

Mondoñedo, 21 de xullo de 2022. Esta mañá rematou o II Seminario Internacional Mindoniense: Relacións histórica entre Galicia e Portugal. Mar, Guerra e diplomacia, que se celebrou dende o pasado luns en Mondoñedo, organizado polo Espazo Leiras. Sendas  visitas institucionais á Biblioteca do Seminario de Mondoñedo e aos museos da cidade e un recorrido pola costa na Mariña lucense puxeron o punto final a este seminario.

Nestas xornadas cumpríronse os obxectivos do programa. Por un lado, fomentar a comunicación académica entre Portugal e Galicia. Por outra parte, converter a capital do Antigo Reino de Galicia en sede académica internacional de estudos galaico-portugueses. Outro dos obxectivos foi contribuír a que Mondoñedo afiáncese como sede de actividades académicas de verán.

No plano académico, Felipe Debasa, un dos directores do Seminario, aposta por reivindicar a herdanza das expedicións marítimas portuguesas e españolas, e no caso das españolas, o Pacífico e a Antártida. E tamén é necesaria, sostén o profesor Debasa, unha posta en valor das xestas dos navegantes galegos.

Os actos comezaron o pasado luns coa recepción a cargo do pianista Juan Rezzuto. As conferencias correron a cargo de Emilio de Diego, Manuel Mendoça, Miguel Monteiro, Fátima Rei, Gonzalo, Margarita Garcez, Joao Luis Cardoso, Fernanda Reis e Pedro Díaz. A mesa redonda da mañá estivo moderada por Abel Vigo, e a da tarde, por Felipe Debasa. O mércores interviron Marco Daniel Duarte, Marión Raeder, Javier Aparicio y Servando de la Torre. A mesa redonda moderouna Julia Labrador Ben, do Grupo Literario Leiras Pulpeiro.