Os populares consideran que se necesitan medidas policiais pero tamén de intervención social para frear a crecente percepción de inseguridade que se detecta entre os veciños
Viveiro, 21 de xullo de 2022. Viveiro é unha cidade segura, segundo din as estatísticas. Pero a seguridade cidadá non só é estatística; é, tamén percepción, a percepción que teñen os veciños. E esa percepción, nestes momentos, está moi á baixa, porque o que o cidadán percibe por si mesmo e o que publican os medios de comunicación apunta a un ámbito urbano no que a seguridade retrocede con rapidez. Así o indica o portavoz do PP, Óscar Rodríguez, que reclama da subdelegada do Goberno e da alcaldesa a adopción de medidas para restaurar os niveis de seguridade cidadá que corresponden a Viveiro.
Óscar Rodríguez indica: “Nos últimos días, Viveiro foi noticia en toda España por uns incidentes que puideron ter consecuencias moi graves. Chove sobre mollado; este caso recente resultou moi chamativo, pero a percepción que teñen os veciños de Viveiro de que se está perdendo seguridade cidadá non é de hoxe”.
Os populares instan á subdelegada do Goberno, viveirense, a adoptar medidas no campo da seguridade, de maneira que os cidadáns perciban con claridade a presencia na rúa dos axentes dos corpos e forzas de seguridade. Rodríguez sinala: “Pero estes problemas non se resolven só con medidas policiais, hai que adoptar tamén medidas sociais, é aí é onde ten que xogar un papel principal o Concello, é dicir, o goberno municipal, presidido pola socialista María Loureiro”.
Óscar Rodríguez apunta que incidentes como o que se publicou profusamente nos medios españois nos últimos días danan a imaxe de Viveiro e, consecuentemente, prexudican ao municipio como destino turístico. Rodríguez destaca: “Empregamos moitos recursos públicos en promocionar Viveiro, pero con incidentes como o ocorrido estes últimos días, todo o conseguido na promoción queda reducido a cero ou pouco menos”.
Os populares, que destacan a profesionalidade dos corpos de seguridade, sinalan que é fundamental afondar na coordinación entre todos eles, de maneira que a súa presenza na rúa sexa visible durante todo o día. “Os veciños de Viveiro queremos poder saír tranquilos a rúa, nós e os nosos fillos e fillas, a calquera hora do día ou da noite”, remacha Óscar Rodríguez.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
