Ribadeo, 8 de agosto, 2022. Será ás 19,00 no Campo de San Francisco (en caso de chuvia trasladaríase á Casa do Viejo Pancho).
«Uterus siue uolua», de Xulio Pardo de Neyra, publicado por Edicións Fervenza (coa colaboración gráfica de Clara Martín) é un libro para ler e para ver, para sentir, para descubrir e para vivir cos ollos e co corazón. Ven sentilo este mércores ás 19,00 no recital poético que organiza a A.C. Francisco Lanza no Campo de San Francisco (Ribadeo).
Xulio Pardo de Neyra é licenciado en Filoloxía pola USC en 1999 e Doutor en Filoloxía Galega e Doutor en Historia Contemporánea pola mesma, así como Doutor Europeo en Didáctica da Lingua e a Literatura pola Universitat de València. Dá clases na Universidade da Coruña, onde imparte lingua e literatura galegas e a súa didáctica. Ten colaborado en varias ocasións coa A.C. Francisco Lanza.
Miguel Anxo Mato Fondo
A finais dos anos 70, publicou os seus primeiros poemas en publicacións colectivas sendo membro do colectivo Alén, do cal tamén formaban parte Xosé Ramón Pena e Francisco Salinas Portugal. Posteriormente, nos anos 80, colaborou co colectivo De Amor e Desamor, co que participou en varios recitais poéticos e conferencias. Ten publicado ensaios sobre a poesía galega actual e colaborado como guionista na realización de vídeo sdivulgativos da poesía galega actual así como coa Asociación Socio-Pedagóxica Galega. En Marzo de 2004 gañou o Premio de Poesía Fiz Vergara Vilariño coa súa obra “O whisky na barrica”. Vai recitar poemas da súa obra “Persistencia da música en novembro”.
Lourdes Santos Sans é cantante e profesora de ópera. Ten unha escola de canto desde abril deste ano 2022. Cunha grande bagaxe e o pracer de ter compartido experiencias con grande cantidade de alumnos e alumnas, Lourdes Santos Sans deseñou un método propio para abordar e comprender a técnica vocal e facer máis asequíbel o canto. Cando os días de confinamento a súa veciñanza puido gozar do bel canto coas súas intervencións desde o balcón.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
